کراچی دے 74  سالہ نسیم الدین دی گنیز ورلڈ ریکارڈ دی ہیٹ ٹرک

کراچی۔24 مارچ(اے پی پی) کراچی دے علاقے شاہ فیصل کالونی دے رہائشی 74 سالہ نسیم الدین گنیز ورلڈ ریکارڈز اچ تریڄھی کامیابی حاصل کر تے ہیٹ ٹرک مکمل کر ڳھدی اے۔ نسیم الدین ہتھ اچ انڈا پکڑ تے 38 ماربل ٹائلز تروڑ تے نواں عالمی ریکارڈ ٻݨا ݙتے، جیندے توں پہلے اے ریکارڈ 30 ٹائلز دا ہئی۔ نسیم الدین پہلے وی مکے نال 163 اخروٹ تروڑݨ تے ہک ہتھ نال سیب لتارݨ دے ریکارڈ اپݨے ناں کر چکین۔ او پاکستان دے مشہور ریکارڈ ہولڈر راشد نسیم دے والد ہن۔ انہاں اپݨا اے اعزاز پاکستان آرمی دے ناں کریندے ہوئے آکھیے جو انہاں کوں ماݨ اے جو انہاں دا خاندان عالمی سطح تے ملک دا ناں روشن کریندا پئے۔