وزیراعظم دی زیر صدارت اجلاس، خلیجی ملکاں کوں اشیائے خوردونوش دی برآمد کیتے اقدامات ودھاوݨ دی ہدایت

اسلام آباد۔ 25 مارچ(اے پی پی) وزیراعظم محمد شہباز شریف ملکی غذائی ضروریات کوں متاثر کیتے بغیر خلیجی ملکاں کوں اشیائے خوردونوش دی برآمد کیتے اقدامات تیز کرݨ، کراچی اتے گوادر سودھا بین الاقوامی ہوائی اݙیاں تے فلائٹ آپریشنز ودفھاوݨ کیتے جامع لائحہ عمل ݙیوݨ دی ہدایت کریندے ہوئے چتائے جو ایں پالیسی اچ تاخیر تے کوئی کوتاہی برداشت نہ تھیسی۔ پی ایم آفس دے میڈیا ونگ توں جاری بیان دے مطابق وزیراعظم محمد شہباز شریف دی زیر صدارت موجودہ علاقائی صورتحال سانڳے خلیجی ریاستاں کوں اشیائے خورونوش دی برآمد اتے پاکستان دی بندرگاہواں اتے میری ٹائم آپریشنز دا جائزہ گھنݨ کیتے اہم اجلاس تھئے۔ اجلاس چ نائب وزیراعظم و وزیر خارجہ محمد اسحاق ڈار، وزیر دفاع خواجہ محمد آصف، وفاقی وزیر برائے منصوبہ بندی احسن اقبال، وفاقی وزیر برائے قانون و انصاف اعظم نذیر تارڑ، وفاقی وزیر برائے اقتصادی امور احد خان چیمہ، وفاقی وزیر برائے خزانہ و محصولات محمد اورنگزیب، وفاقی وزیر برائے قومی غذائی تحفظ رانا تنویر حسین، وفاقی وزیر برائے اطلاعات و نشریات عطاء اللہ تارڑ، وفاقی وزیر برائے بحری امور جنید انوار چوہدری، وزیراعظم دے معاون خصوصی ہارون اختر اتے متعلقہ اعلیٰ سرکاری شخصیات شرکت کیتی۔ وزیراعظم محمد شہباز شریف خلیجی ملکاں کوں اشیائے خورونوش ݙیوݨ کیتے ٻݨائی ڳئی حکمت عملی اتے ہݨ تئیں دی پیشرفت تے اطمینان کریندے متعلقہ محکمیاں اتے افسراں دی کارکردگی دی تعریف کیتی۔ انہاں ہدایت کیتی جو خلیجی ملکاں کوں اشیائے خورونوش دی فراہمی اتے انھاں دے غذائی تحفظ دے حوالے نال سارے متعلقہ محکمے خلیجی ملکاں نال قریبی رابطے اچ راہون، موجودہ علاقائی صورتحال اچ جݙاں عالمی سپلائی لائن متاثر اے، خلیجی ملکاں دی غذائی ضروریات دا خیال رکھݨ ساݙا فرض اے۔ انہاں ہدایت کیتی جو ملکی غذائی ضروریات کوں متاثر کیتے بغیر ملک اچ ودھ مقدار اچ موجود اشیائے خورونوش دی خلیجی ملکاں اچ برآمد کیتے تیزی نال کم کیتا ونڄے، ملکی غذائی ضروریات کیتے اشیائے خورونوش دی طلب اتے رسد دی مکمل نگرانی کیتی ونڄے۔ انہاں خبردار کیتے جو حکومتی اداریاں دی سطح تے فیصلہ سازی اچ کہیں قسم دی تاخیر قابل قبول کائنی، تاخیر دے مرتکب افراد دی جوابدہی یقینی ٻݨائی ویسی۔ وزیراعظم محمد شہباز شریف کراچی، گوادر اتے ٻئے پاکستانی اہم بین الاقوامی ہوائی اݙیاں تے فلائٹ آپریشنز ودھاوݨ کیتے جامع لائحہ عمل تیار کرݨ دی وی ہدایت کیتی۔ اجلاس اچ خلیجی ملکاں کوں اشیائے ضروریہ دی برآمدات دے حوالے نال چاتے ڳئے اقدامات تے بریفنگ ݙتی ڳئی جیندے اچ ݙسایا ڳیا جو خلیجی ملکاں نال برآمدات ودھاوݨ کیتے ٻݨائی ڳئی خصوصی کمیٹی 40 فوڈ آئٹمز دی برآمد دی منظوری ݙتی اے، انھاں فوڈ آئٹمز اچ چاول، کھاوݨ دا تیل، چینی، گوشت، پولٹری، خشک کھیر (دودھ)، ڈیری مصنوعات، پھل، سبزیاں وغیرہ شامل ہن۔ بریفنگ دے مطابق خلیجی ملکاں دے نال تجارت دے حوالے نال برآمد کنندگان دا ڈیٹا بیس ٻݨایا ڳئے، سبزیاں، پھلاں تے گوشت دی برآمد دے حوالے نال کوئی اضافی ادائیگی نہ کرݨی پوسی، اشیائے خورونوش دی برآمدات دے حوالے نال ہوائی تے بحری اوپن روٹس کوں استعمال کیتا ویسی، خلیجی ملکاں دے نال بزنس ٹو بزنس اجلاس اتے ویبنارز کیتے ویندے پئن۔ کراچی اتے بن قاسم دی بندرگاہواں عید الفطر دی چھٹیاں اچ وی فعال رہین، ٹرانس شپمنٹ دی صلاحیت ودھاوݨ کیتے آف-ڈاک ٹرمینلز تے وی ٹرانس شپمنٹ ہینڈلنگ دی اجازت ݙتی ڳئی جیندے کیتے کسٹمز قوانین اچ ضروری ترامیم کر ݙتیاں ڳئن، بندرگاہواں تے نقل و حمل دے حوالے نال عائد نرخ 60 فیصد تئیں گھٹ کر ݙتے ڳئن، بندرگاہواں تے ایکسپورٹ فیسیلی ٹیشن ڈیسکس فعال کر ݙتے ڳئن اتے خام تیل گھن آوݨ والے بحری جہازاں کوں بندرگاہواں تے ترجیحی بنیاداں تے لنگر انداز کرایا ویندا پئے۔