صدر مملکت آصف علی زرداری دی زیر صدارت اعلیٰ سطح دا اجلاس

اسلام آباد۔26 مارچ (اے پی پی) صدر مملکت آصف علی زرداری ایوانِ صدر اسلام آباد اچ ہک اعلیٰ سطح دے مشاورتی اجلاس دی صدارت کیتی جیندے اچ تیل دی سپلائی اتے پٹرولیم مصنوعات دیاں قیمتاں دے حوالے نال معیشت، توانائی اتے علاقائی سکیورٹی دا جائزہ ڳھدا ڳیا۔ اجلاس اچ وزیراعظم شہباز شریف اتے چیف آف آرمی سٹاف فیلڈ مارشل سید عاصم منیر وی شریک ہن۔ ایندے علاوہ اسحاق ڈار، بلاول بھٹو زرداری، محسن نقوی، محمد اورنگزیب اتے ٻئے وفاقی وزراء وی موجود ہن۔ اجلاس اچ عالمی سطح تے تیل و گیس دی قیمتاں دے پاکستان تے اثرات اتے مہنگائی کوں کنٹرول کرݨ تے ڳالھ تھئی۔ وزرائے خزانہ اتے پٹرولیم

اجلاس کوں بریفنگ ݙتی جو عوام تے ٻھار ڳھٹ کرݨ کیتے کیا اقدامات کیتے ویندے پئن۔ اجلاس اچ زور ݙتا ڳیا جو قومی سطح تے ہک مربوط حکمت عملی ٻݨائی ونڄے تاں جو عوامی مفادات دا تحفظ تھی سکے۔ ایندے علاوہ ایندھن دی بچت کیتے عوامی ٹرانسپورٹ اتے شیئرڈ رائیڈز کوں فروغ ݙیوݨ تے وی زور ݙتا ڳیا۔