سعودی عرب، ترکی اتے مصر دے وزرائے خارجہ 29 توں 30 مارچ تئیں پاکستان دا دورہ کریسن

اسلام آباد۔ 28 مارچ(اے پی پی) نائب وزیراعظم و وزیرِ خارجہ اسحاق ڈار دی دعوت تے سعودی عرب دے وزیرِ خارجہ شہزادہ فیصل بن فرحان السعود، ترکی دے وزیرِ خارجہ حاقان فیدان اتے مصر دے وزیرِ خارجہ ڈاکٹر بدر عبدالعاطی 29 توں 30 مارچ تئیں پاکستان دا دورہ کریسن۔ دفترِ خارجہ توں جاری بیان دے مطابق دورے اچ وزرائے خارجہ مختلف معاملیاں تے تفصیلی ڳالھ مہاڑ کریسن جیندے اچ خطے اچ چھڑی ہوئی کشیدگی کوں ڳھٹ کرݨ دیاں کوششاں شامل ہین۔ تریہے برادر ملکاں دے وزرائے خارجہ وزیراعظم نال وی ملاقات کریسن۔ پاکستان سعودی عرب، ترکی اتے مصر دے برادرانہ تعلقات کوں ٻہوں اہمیت ݙیندے۔ اے دورہ پاکستان کوں انہاں ملکاں نال سانجھی دلچسپی دے مختلف شعبیاں اچ تعاون اتے ہم آہنگی کوں مزید مضبوط کرݨ دا موقع ݙیسی۔