اسلام آباد۔ 28 مارچ(اے پی پی) وزیراعظم محمد شہباز شریف ایران دے صدر ڈاکٹر مسعود پزشکیان کوں پاکستان دے امریکہ، برادر خلیجی اتے اسلامی ملکاں نال جاری سفارتی رابطیاں اتے اعتماد اچ ڳھندے ہوئیں امید کیتی اے جو کشیدگی دے خاتمے دی کوئی موثر راہ نکل آسی، جݙاں جو ایرانی صدر مذاکرات اتے ثالثی کیتے اعتماد سازی تے زور ݙیندے پاکستان دے مثبت کردار کوں سراہے۔ وزیراعظم آفس دے میڈیا …
وزیراعظم شہباز شریف دا ایران دے صدر ڈاکٹر مسعود پزشکیان کوں فون، عالمی سفارتی رابطیاں تے اعتماد اچ ڳھدا
مزید خبراں
اسلام آباد۔ 28 مارچ(اے پی پی) وزیراعظم محمد شہباز شریف ایران دے صدر ڈاکٹر مسعود پزشکیان کوں پاکستان دے امریکہ، برادر خلیجی اتے اسلامی ملکاں نال جاری سفارتی رابطیاں اتے اعتماد اچ ڳھندے ہوئیں امید کیتی اے جو کشیدگی دے خاتمے دی کوئی موثر راہ نکل آسی، جݙاں جو ایرانی صدر مذاکرات اتے ثالثی کیتے اعتماد سازی تے زور ݙیندے پاکستان دے مثبت کردار کوں سراہے۔ وزیراعظم آفس دے میڈیا ونگ ولوں جاری بیان دے مطابق وزیراعظم ایرانی صدر نال ٹیلیفون تے ڳالھ مہاڑ کیتی۔ ہک گھنٹے توں ودھ جاری رہݨ والی ایں ڳالھ مہاڑ اچ ݙوہیں رہنماواں خطے اچ جاری کشیدگی اتے امن دیاں کوششاں تے تفصیلی نال الائے۔ وزیراعظم ایران اتے اسرائیل دے مسلسل حملیاں، خاص طور تے گزریل ݙینہہ شہری تنصیبات تے تھیوݨ والے تازہ حملیاں دی شدید مذمت کیتی اتے ایں اوکھے ویلھے ایرانی عوام نال پاکستان دی مکمل یکجہتی دا اظہار کیتے۔ وزیراعظم جانی ضیان تے افسوس کریندے دعا کیتی اے۔ وزیراعظم ایرانی صدر کوں اپݨی، نائب وزیراعظم اسحاق ڈار اتے چیف آف آرمی سٹاف فیلڈ مارشل سید عاصم منیر ولوں امریکہ اتے خلیجی ملکاں نال جاری رابطیاں دا ݙسائے۔ ایرانی صدر، وزیراعظم دیاں مخلصانہ کوششاں کوں سراہے۔ وزیراعظم یقین ݙیوایا جو پاکستان خطے اچ امن کیتے اپݨا تعمیری کردار جاری رکھیسی۔
