مصر دے وزیر خارجہ ڈاکٹر بدر عبدالعاطی دا وزارت خارجہ اچ شاندار استقبال

اسلام آباد۔29 مارچ(اے پی پی)مصر دے وزیر خارجہ ڈاکٹر بدر عبدالعاطی دا وزارت خارجہ آوݨ تے شاندار انداز نال استقبال کیتا ڳئے۔ وزارت خارجہ پُڄݨ تے نائب وزیراعظم اتے وزیر خارجہ محمد اسحاق ڈار انہاں دا گرمجوشی نال استقبال کیتے۔ مصر دے وزیر خارجہ ڈاکٹر بدر عبدالعاطی نائب وزیراعظم اتے وزیر خارجہ محمد اسحاق ڈار دی دعوت تے خطے دی صورتحال تے چار فریقی اجلاس اچ شرکت کیتے پاکستان دا دورہ کریندے پئن۔ اجلاس اچ سعودی عرب اتے ترکیہ دے وزرائے خارجہ وی شریک تھیسن۔ دفتر خارجہ اچ مصر دے وزیر خارجہ، اسحاق ڈار نال علاقائی صورتحال اتے آپسی دلچسپی دے معاملیاں تے ڳالھ مہاڑ کریسن۔