سعودی وزیر خارجہ شہزادہ فیصل بن فرحان آل سعود سرکاری دورے تے اسلام آباد پُڄ ڳئن

اسلام آباد۔29 مارچ(اے پی پی)نائب وزیراعظم اتے وزیر خارجہ سینیٹر محمد اسحاق ڈار دی دعوت تے سعودی وزیر خارجہ شہزادہ فیصل بن فرحان آل سعود سرکاری دورے تے اسلام آباد پُڄ ڳئن۔ وزارت خارجہ توں جاری تھیوݨ والے بیان دے مطابق اسلام آباد پُڄݨ تے شہزادہ فیصل بن فرحان دا استقبال ایڈیشنل سیکرٹری (مشرق وسطیٰ) سید احمد معروف کیتے۔ دورے اچ او چار فریقی اجلاس اچ شرکت کریسن اتے علاقائی صورتحال تے صلاح مشورہ کریسن۔ اے دورہ پاکستان اتے سعودی عرب دے تکڑے برادرانہ تعلقات اتے علاقائی و عالمی معاملیاں اتے مسلسل رابطے دی عکاسی کریندے۔