وزیرِاعظم شہباز شریف دا شمالی وزیرستان اچ فتنہ الخوارج دے خلاف کامیاب آپریشن تے سکیورٹی فورسز دے افسراں تے اہلکاراں کوں خراجِ تحسین

اسلام آباد۔ 2 اپریل (اے پی پی) وزیرِاعظم محمد شہباز شریف شمالی وزیرستان اچ پاک افغان سرحدی علاقے اچ فتنہ الخوارج دے خلاف کامیاب آپریشن اچ 8 خارجیاں کوں جہنم رسید کرݨ تے سکیورٹی فورسز دے افسراں تے اہلکاراں دی پیشہ ورانہ صلاحیتاں کوں خراج تحسین پیش کیتے۔ وزیرِاعظم دفتر دے میڈیا ونگ توں جاری بیان موجب وزیرِاعظم آکھیے ملک توں دہشت گردی دے عفریت دے مکمل خاتمے تئیں ایندے خلاف جنگ جاری رکھیسوں۔ میں سودھے پوری قوم دہشت گردی دے خلاف جنگ دے غیر متزلزل عزم اچ افواجِ پاکستان دے مونڈھے نال مونڈھا رلا تے کھڑی اے