اسلام آباد۔ 2 اپریل (اے پی پی) چیئرمین سینیٹ سید یوسف رضا گیلانی اسلام آباد اچ الجیریا دے سفارت خانے دا دورہ کیتا تے سابق صدر لیامین زروال دے انتقال تے دلی تعزیت دا اظہار کیتے۔ چیئرمین سینیٹ دا استقبال پاکستان اچ الجیریا دے سفیر ڈاکٹر براہیم رومانی کیتے۔ ݙکھ تے افسوس کریندے چیئرمین سینیٹ پاکستان دے عوام، سینیٹ آف پاکستان تے اپݨی طرفوں الجیریا دی حکومت، عوام تے ݙکھی …
سید یوسف رضا گیلانی دا الجیریا دے سفارت خانے دا دورہ، سابق صدر لیامین زروال دے انتقال تے اظہارِ تعزیت
اسلام آباد۔ 2 اپریل (اے پی پی) چیئرمین سینیٹ سید یوسف رضا گیلانی اسلام آباد اچ الجیریا دے سفارت خانے دا دورہ کیتا تے سابق صدر لیامین زروال دے انتقال تے دلی تعزیت دا اظہار کیتے۔ چیئرمین سینیٹ دا استقبال پاکستان اچ الجیریا دے سفیر ڈاکٹر براہیم رومانی کیتے۔ ݙکھ تے افسوس کریندے چیئرمین سینیٹ پاکستان دے عوام، سینیٹ آف پاکستان تے اپݨی طرفوں الجیریا دی حکومت، عوام تے ݙکھی خاندان نال دلی ہمدردی تے تعزیت دا اظہار کیتے۔اپݨے تاثرات قلمبند کریندے چیئرمین سینیٹ آکھیا جو میکوں عوامی جمہوریہ الجیریا دے سابق صدر لیامین زروال دے انتقال دی خبر سݨ تے دلی صدمہ تھئے، صدر زروال ہک مدبر رہنما ہن ، پاکستان الجیریا دے نال اپݨے تاریخی تے برادرانہ تعلقات کوں ٻہوں قدر دی نگاہ نال ݙیہدے، ہک عظیم دوست تے پاکستان دے حامی دے طور تے سابق صدر زروال انھاں تعلقات کوں مزید تکڑا کیتا جیڑھے جو مشترکہ اقدار، سانجھے احترام تے مشترکہ امنگاں تے مبنی ہن۔ چیئرمین سینیٹ سفارت خانے اچ رکھی ڳئی تعزیتی کتاب اچ اپݨے تاثرات وی قلمبند کیتے ۔ ایں موقع تے چیئرمین سینیٹ دی مشیر آئی ایس سی و سفیر مصباح کھر وی موجود ہن۔
