اسلام آباد۔ 3 اپریل (اے پی پی) سپیکر قومی اسمبلی سردار ایاز صادق خیبرپختونخوا دے ضلع بنوں دے علاقے ڈومیل اچ خودکش دھماکے دی مذمت کریندے قیمتی انسانی جاناں دے ضیان تے ݙکھ تے افسوس کیتے۔ اپݨے بیان اچ سپیکر قومی اسمبلی دھماکے اچ شہید تھیوݨ آلے نشوم ٻالاں تے تریمتاں دے گھرآلیں نال دلی ہمدردی تے تعزیت کریندے آکھیے او ݙکھے ویلھے ݙکھی خانداناں دے ݙکھ اچ برابر دے …
سپیکر قومی اسمبلی دی بنوں دے علاقے ڈومیل اچ خودکش دھماکے دی مذمت
مزید خبراں
اسلام آباد۔ 3 اپریل (اے پی پی) سپیکر قومی اسمبلی سردار ایاز صادق خیبرپختونخوا دے ضلع بنوں دے علاقے ڈومیل اچ خودکش دھماکے دی مذمت کریندے قیمتی انسانی جاناں دے ضیان تے ݙکھ تے افسوس کیتے۔ اپݨے بیان اچ سپیکر قومی اسمبلی دھماکے اچ شہید تھیوݨ آلے نشوم ٻالاں تے تریمتاں دے گھرآلیں نال دلی ہمدردی تے تعزیت کریندے آکھیے او ݙکھے ویلھے ݙکھی خانداناں دے ݙکھ اچ برابر دے شریک ہن ۔ انھاں زخمیاں کوں وقتی تے بہترین طبی سہولتاں ݙیوݨ دی وی ہدایت کیتی اے۔سپیکر آکھیا جو نہتے شہریاں، تریمتاں تے ٻالاں کوں نشانہ بݨاوݨ بزدلانہ تے انسانیت سوز فعل اے جیندے جتنی وی مذمت کیتی ونڄے گھٹ اے۔ انھاں دہشت گردی دے مکمل خاتمے دے قومی عزم دا اعادہ کریندے آکھیا جو پوری قوم دہشت گردی دے خلاف ھک مٹھ اے۔ سپیکر قومی اسمبلی واقعے دی مکمل تحقیقات تے ذمہ داراں کوں کیفرِ کردار تئیں پڄاوݨ دی ہدایت کریندے سکیورٹی اداریں دی قربانیاں کوں خراجِ تحسین پیش کیتے۔ انھاں شہداء دے درجات دی بلندی تے لواحقین کیتے صبرِ جمیل دی دعا کیتی اے
