اسلام آباد۔ 3 اپریل (اے پی پی) وزیرِ مملکت داخلہ طلال چوہدری برطانیہ دے ڈائریکٹر جنرل (پولیٹیکل) ایڈورڈ لیویلین نال اسلام آباد اچ اہم ملاقات کیتی اے۔ ملاقات اچ سیکرٹری داخلہ محمد خرم آغا، برطانوی ہائی کمشنر جین میریٹ تے ݙوہیں ملکاں دے اعلیٰ حکام وی شریک ہن ۔ ملاقات دے دوران پاکستان تے برطانیہ دے دیرینہ تعلقات تے خطے دی مجموعی صورتحال تے تفصیلی ڳالھ مہاڑ کیتی ڳئی اے۔ …
وزیرِمملکت داخلہ طلال چوہدری دی برطانیہ دے ڈائریکٹر جنرل (پولیٹیکل) ایڈورڈ لیویلین نال ملاقات
مزید خبراں
اسلام آباد۔ 3 اپریل (اے پی پی) وزیرِ مملکت داخلہ طلال چوہدری برطانیہ دے ڈائریکٹر جنرل (پولیٹیکل) ایڈورڈ لیویلین نال اسلام آباد اچ اہم ملاقات کیتی اے۔ ملاقات اچ سیکرٹری داخلہ محمد خرم آغا، برطانوی ہائی کمشنر جین میریٹ تے ݙوہیں ملکاں دے اعلیٰ حکام وی شریک ہن ۔ ملاقات دے دوران پاکستان تے برطانیہ دے دیرینہ تعلقات تے خطے دی مجموعی صورتحال تے تفصیلی ڳالھ مہاڑ کیتی ڳئی اے۔ ݙوہیں ملکاں اپ سکل پروگرام، منی لانڈرنگ دے خلاف اقدامات، منظم جرائم روکݨ تے انسدادِ دہشت گردی دے شعبیں اچ تعاون مزید ودھاوݨ تے اتفاق کیتا ۔ فریقین وچال منشیات دے انسداد تے سکیورٹی تعاون کوں مزید تکڑا بݨاوݨ دے امور تے وی ڳالھ مہاڑ تھئی ۔ وزیرِ مملکت طلال چوہدری آکھیا جو پاکستان تے برطانیہ دے تعلقات سانجھے اعتماد تے موثر شراکت داری تے مبنی ہن۔ ایں موقع تے ایڈورڈ لیویلین خطے اچ امن دے ودھارےکیتے پاکستان دے کردار دی تعریف کیتی تے آکھیا جو مشرقِ وسطیٰ اچ کشیدگی گھٹ کرݨ کیتے پاکستان دی کوششاں کوں عالمی سطح تے منیا ڳئے
