وزیراعظم دا ریلوے مسافراں کیتے ٻہوں وݙا ریلیف، کرائیں کوں منجمد رکھݨ دا فیصلہ، ترجمان ریلوے

اسلام آباد۔ 3 اپریل (اے پی پی) ترجمان پاکستان ریلوے آکھیے جو وزیراعظم شہباز شریف ریلوے مسافراں کوں ٻہوں وݙا ریلیف ݙیندے ہدایت کیتی اے جو ڈیزل دی قیمتاں اچ ودھارے دے باوجود کرائیں کوں منجمد رکھیا ونڄے، حکومت 30 جون تئیں سفر دے خرچے کوں سستا رکھݨ تے مال برداری دے نرخ مستحکم رکھݨ کیتے اضافی 6 بلین روپے برداشت کریسی ۔ جاری بیان اچ ترجمان آکھیا جو آپریشنل خرچے پورے کرݨ کیتے 30 فیصد کرایہ ودھاوݨ ناگزیر ہئی، تاں جو حکومت ڈیزل دی ودھدی قیمتاں دے اثرات خود برداشت کرݨ دا فیصلہ کیتے۔ وزیراعظم دی ہدایت دا اطلاق ساری کلاسز، بشمول اکانومی تے اے سی تے ہوسی جݙاں جو کاروباری برادری کوں سہولت ݙیوݨ کیتے مال برداری دے کرائیں اچ وی کوئی ودھارا کائناں تھیسی۔ وفاقی وزیر ریلوے محمد حنیف عباسی آکھیے جو اوکھے حالات اچ ایں فیصلے مسافراں دے دل جت ڳھدن تے اینکوں ہک تحفہ قرار ݙتے جیندے نال سستا سفر تے مستحکم مال برداری خدمات یقینی بݨائیاں ڳئن