ملک اچ زوردا مینھ وسݨ پاروں پہاڑی علاقیں اچ لینڈ سلائیڈنگ جݙاں جو ندی نالیں اچ طغیانی دا خطرہ اے، محکمہ موسمیات

اسلام آباد۔ 3 اپریل (اے پی پی)محکمہ موسمیات آکھیے جو زور دے مینھ وسݨ پاروں کشمیر،اتلےخیبرپختونخوا، مری گلیات اچ لینڈ سلائیڈنگ تے ڈیرہ غازی خان دے پہاڑی ندی نالیں (ہِل ٹورنٹس) تے مقامی ندی نالیں اچ طغیانی دا خطرہ اے۔ اندھاری ، ژالہ باری تے آسمانی بجلی پاروں ایں دوران کمزور ڈھانچیں (بجلی دے کھمبے، بل بورڈز، سولر پینل وغیرہ) کوں ضیان پڄݨ دا ݙر اے، ژالہ باری تے اندھاری پاروں پنجاب تے خیبرپختونخوا اچ کھڑی فصلاں کوں ضیان پُڄݨ دا خطرہ اے۔محکمہ موسمیات موجب آندے 24 گھنٹے دے دوران خیبرپختونخوا، کشمیر، پنجاب تے گلگت بلتستان اچ زیادہ ترجاہواں تے تکھی ہوا تے کھمݨ گاجاں نال مزید زور دا مینھ وسݨ دی توقع اے۔ جݙاں جو شمال مشرقی بلوچستان، جنوبی پنجاب تے اتلے سندھ اچ کجھ جاہواں تے تکھی ہوا تے کھمݨ گاجاں نال مینھ وسݨ دا امکان اے ۔ کل ہفتے کوں اُتلے خیبرپختونخوا، اُتلے پنجاب، کشمیرتے گلگت بلتستان اچ اکثر جہیں تے تکھی ہوا دے نال اتے کھمݨ گاجاں نال مینھ جݙاں جو کجھ جہیں تے زور دا مینھ تے ڳڑھا وسݨ دا وی امکان اے ، ملک دے ٻئے علاقیں اچ موسم رکھا رہݨ دا امکان اے۔پچھلے 24 گھٹے دے دوران سندھ، خیبرپختونخوا، پنجاب، کشمیر تے بلوچستان اچ زیادہ ترجہیں تے تے تکھی ہوا دے مینھ وٹھا کجھ جہیں تے زور دا مینھ تے ڳڑھا وی وسیا۔ ملک دے جنوبی ضلعیں اچ اندھاری چلی، جݙاں جو کشمیر اچ کجھ جہیں تے ہلکا مینھ وسیے۔ساریں توں ودھ ریکارڈ کیتا ڳیا مینھ: سندھ: موہنجو داڑو 60، ٹنڈو جام 50، کراچی (سرجانی ٹاؤن 32، ناظم آباد 28، پی اے ایف فیصل بیس 20، کورنگی 17، نارتھ کراچی 15، اورنگی ٹاؤن، گلشنِ معمار 14، گلشنِ حدید 13، بحریہ ٹاؤن 12، پی اے ایف مسرور بیس 11، کیماڑی 10، جناح ٹرمینل 09، سٹی، ایم او ایس 06، میٹ کمپلیکس 03)، سکرنڈ 08، دادو 06، سکھر 04، روہڑی، پڈعیدن تے میرپور خاص 03، حیدرآباد 02، نوابشاہ تے مٹھی 01 ملی میٹر۔خیبرپختونخوا: چراٹ 47، دیر 45، پشاور (ایئرپورٹ 43، سٹی 28)، مالم جبہ 42، تخت بھائی 41، دروش 32، لوئر دیر 31، میر کھانی 30، پٹن، ڈی آئی خان (سٹی 28، ایئرپورٹ 27)، باچا خان ایئرپورٹ 28، پاراچنار، کالام 26، بنوں 22، چترال 19، کاکول 18، سیدو شریف 15، بالاکوٹ 12 ملی میٹر۔پنجاب: کروڑ (لیہ) 44، ملتان (سٹی 43، ایئرپورٹ 32)، مری 23، اٹک، کوٹ ادو 21، اسلام آباد (سید پور ویلیج 25، سٹی 22، ایئرپورٹ 15، گولڑہ 13، بوکرا 10)، بھکر 19، راولپنڈی (شمس آباد 19، چکلالہ 18، نیو کٹاریاں 17، کچہری 14، پیرودھائی 13، گوالمنڈی 05)، رحیم یارخان 17، نورپور تھل 16، منگلا، جہلم تے ڈی جی خان 14، منڈی بہاؤالدین، گجرات تے خانپور 10، سیالکوٹ (ایئرپورٹ 09، سٹی 08)، جوہرآباد، نارووال 09، فیصل آباد 08، سرگودھا سٹی، چکوال 07، لاہور ایئرپورٹ، گوجرانوالہ 04، جھنگ تے بہاولپور (سٹی 02، ایئرپورٹ 01)، حافظ آباد، خانیوال، شیخوپورہ 01 ملی میٹر۔آزاد کشمیر: راولا کوٹ 31، گڑھی دوپٹہ 30، مظفرآباد (ایئرپورٹ 21، سٹی 19)، کوٹلی 19 ملی میٹر۔بلوچستان: سبی 26، دالبندین 09، سمنگلی 07، لسبیلہ 06، قلات 04، خضدار 03، کوئٹہ تے تربت 02، اورماڑہ اچ 01 ملی میٹر مینھ ریکارڈ کیتا ڳئے۔جمعہ دے ݙینھ ریکارڈ کیتا ڳیا ودھ توں ودھ درجہ حرارت: مٹھی 33، بدین، چھور 31، تے قصور اچ 30 ڈگری سینٹی گریڈ ریکارڈ کیتا ڳئے۔