حکومت مارکیٹاں دے اوقات اچ تبدیلی تے بچت دے ٻئے اقدامات تے صوبیں نال مشاورت کریندی پئی اے، اویس احمد خان لغاری

اسلام آباد۔ 3 اپریل (اے پی پی) وفاقی وزیر توانائی سردار اویس احمد خان لغاری آکھیے جو توانائی دا بحران نہ صرف تیل بلکہ گیس تے فرنس آئل تے وی اثر انداز تھیندے جیندے نال بجلی دی قیمتاں تے وی اثرپئے سڳدے ۔ سوشل میڈیا پلیٹ فارم “ایکس” تے جاری بیان اچ انھاں آکھیا جو ایہو وجہ اے جو حکومت مارکیٹاں دے اوقات اچ تبدیلی تے بچت دے ٻئے اقدامات تے صوبیں نال مشاورت کریندی پئی اے۔ انھاں آکھیا جو وزیراعظم شہباز شریف دی قیادت اچ اساں عوام کوں ایں ٻوجھ توں بچاوݨ دی ہر ممکن کوشش کیتی اے تے کریندے رہسوں، جے اساں سارے توانائی بچیسوں تاں ملک تے دٻاؤ گھٹ تھیسی تے تکھے بہتری آسی۔