وزیراعظم دی پٹرولیم قیمتاں اچ ودھارے دے باوجود ریل گاݙی دے کرائے نہ ودھاوݨ دی ہدایت

لاہور۔ 3 اپریل (اے پی پی) وزیراعظم محمد شہباز شریف ریلوے مسافراں کیتے ٻہوں وݙا ریلیف ݙیوݨ دا اعلان کریندے پٹرولیم مصنوعات دی قیمتاں اچ ودھارے دے باوجود ریل گاݙی دے کرائے نہ ودھاوݨ دی ہدایت جاری کرݙتی اے ۔ ترجمان پاکستان ریلوے موجب ڈیزل دی قیمتاں اچ ودھارے پاروں ریلوے دے آپریشنل اخراجات اچ نمایاں ودھارا تھیا ہئی ، جینکوں ݙیکھدے ہوئیں کرائیں اچ 30 فیصد تیں ودھارا ناگزیر تھی چکیا ہئی، تاں جو وزیراعظم محمد شہباز شریف فوری مداخلت کریندے ساری کلاسز دے کرائے ودھاوݨ دی تجویز مسترد کر ݙتی اے۔حکومتی فیصلے دے تحت اکانومی تے اے سی سودھے ساری کلاسز دے کرائے پہلے وانڳوں برقرار رہسن ۔ ایندے توں علاوہ کاروباری طبقے کوں سہولت ݙیوݨ کیتے مال بردار ریل گاݙیاں دے کرائے اچ وی ودھارا نہ کرݨ دا فیصلہ کیتا ڳئے۔ وزیراعظم دی ہدایات تے حکومت 30 جون تئیں اضافی مالی ٻوجھ خود برداشت کرݨ دا فیصلہ کیتے، جیندے تحت تقریباً 6 ارب روپے دی سبسڈی ݙتی ویسی تاں جو مسافراں تے تاجراں کوں ریلیف فراہم ݙتا ونڄ سڳے۔ایں حوالے نال وفاقی وزیر ریلوے محمد حنیف عباسی دا آکھݨ اے جو اوکھے معاشی حالات اچ وزیراعظم محمد شہباز شریف دا اے اقدام عوام دے دل جتݨ اچ کامیاب رہیے ۔ انھاں آکھیا جو اے فیصلہ عوام کیتے ہک تحفہ اے، ایندے توں ریلوے سفر سستا تے ہر کہیں دی پُڄ اچ رہسی۔