وفاقی وزیرِ تجارت دی وزیراعظم دی کوآرڈینیٹرموسمیاتی تبدیلی نال ملاقات

اسلام آباد۔ 4 اپریل (اے پی پی) وفاقی وزیرِ تجارت جام کمال خان خوراک دی سپلائی چین تے ماحولیاتی ہم آہنگی تے زور ݙیندے آکھیے جو پاکستان اچ خوراک دی سپلائی چین تکڑی کریسوں، اقتصادی سرگرمیاں بلا تعطل جاری رکھݨ حکومت دی ترجیح اے۔ وزارتِ تجارت دی طرفوں جاری اعلامیہ موجب اے ڳالھ انہاں وزیراعظم دی کوآرڈینیٹر موسمیاتی تبدیلی رومینہ خورشید عالم نال ملاقات اچ آکھی۔ جام کمال خان آکھیا جو پاکستان اچ خوراک دی سپلائی چین تکڑی کریسوں، اقتصادی سرگرمیاں بلا تعطل جاری رکھݨ حکومت دی ترجیح اے۔ انھاں توانائی دی بچت تے بہتر لاجسٹکس سروسز تے زور ݙیندے آکھیا جو سپلائی چین دی کارکردگی تے خوراک دی دستیابی تے فوری توجہ ݙیوݨ دی لوڑھ اے۔ انھاں آکھیا جو ٹرانسپورٹ تے لاجسٹکس دی بہتری توں صنعتی پیداوار اچ ودھارا تھیسی۔ وفاقی وزیر مزید آکھیا جو ایں حوالے نال محدود اقدامات کائنی بلکہ موثر پالیسی تے توجہ دی لوڑھ اے۔ انھاں ایں عزم دا اظہار کیتا جو ڈیجیٹل سپلائی چین تے متبادل نقل و حمل کوں ودھارا ݙیسوں۔ جام کمال خان آکھیا جو وزارتِ تجارت تے کلائمٹ اداریں وچال ہم آہنگ فریم ورک تیار کیتا ویسی۔ ملاقات اچ ڳالھ مہاڑ کریندے وزیراعظم دی کوآرڈینیٹرموسمیاتی تبدیلی رومینہ خورشید عالم کلائمٹ اسمارٹ زراعت تے وسائل دے موثر استعمال دی اہمیت کوں اجاگر کریندے آکھیا جو توانائی دی بچت تے ماحولیاتی اقدامات صنعتی ترقی کوں ودھارا ݙیسن، صنعتی شعبے دی کارکردگی اچ بہتری تے لاجسٹک مسائل حل کرݨ ضروری اے۔ انھاں آکھیا جو خوراک دی سپلائی چین اچ ماحولیاتی لچک دا ودھارا حکومت دی ترجیح اے۔ رومینہ خورشید عالم آکھیا جو عوامی تے نجی شعبے دے تعاون نال ماحول دوست حل متعارف کروائے ویسن۔