مسافر بساں کوں ہک لکھ روپے تے منی بساں تے ویگناں کوں 40 ہزار روپے ماہانہ سبسڈی ݙتی ویندی پئی اے، اوکھے ویلھے عوام کوں کہیں صورت اچ کلہا کائناں چھوڑیسوں، وزیراعظم شہباز شریف دا پیٹرولیم سبسڈی تے پیشرفت دے جائزہ اجلاس نال خطاب

لاہور۔ 5 اپریل (اے پی پی) وزیراعظم محمد شہباز شریف آکھیے جو ڈیجیٹل والٹس دے ذریعے شفاف طریقے نال مسافر بساں دے مالکان کوں ہک لکھ روپے ماہانہ تے منی بساں و ویگناں دے مالکان کوں 40 ہزار روپے ماہانہ سبسڈی ݙتی ویندی پئی اے تاں جو کرائے اچ ودھارا نہ تھیوے ، کھاوݨ پیوݨ دیاں چیزاں دیاں قیمتاں اچ ودھارا روکݨ کیتے ٹرکاں کوں 70 ہزار، وݙیاں مال بردار گاݙیاں کوں 80 ہزار جݙاں جو ڈیلیوری ویناں کوں 35 ہزار روپے ماہانہ سبسڈی ݙتی ویندی پئی اے اے۔ او اپݨی زیرِ صدارت اجلاس اچ ڳالھ مہاڑ کریندے پئے ہن جیندے اچ خطے اچ اڄوکی کشیدگی دے دوران پیٹرولیم مصنوعات تے حکومت دی طرفوں سبسڈی دے نفاذ تے پیش رفت دا جائزہ ڳھدا ڳیا۔ وزیراعظم دفتر میڈیا ونگ توں جاری بیان موجب اجلاس اچ سبسڈی ݙیوݨ تے پیش رفت دا ݙساوݨ دے نال نال ملک اچ ایندھن دے ذخیرے تے کھپت تے وی بریفنگ ݙتی ڳئی اے۔وزیراعظم محمد شہباز شریف اجلاس توں خطاب کریندے آکھیا جو مسافر بساں کوں ہک لکھ روپے ماہانہ تے منی بس و ویگناں کوں 40 ہزار روپے ماہانہ سبسڈی ݙتی ویندی پئی اے تاں جو کرائے اچ ودھارا نہ تھیوے جݙاں جو کھاوݨ پیوݨ دیاں چیزاں دیاں قیمتاں اچ ودھارے کوں روکݨ کیتے ٹرکاں کوں 70 ہزار، وݙے مال بردار گاݙیاں کوں 80 ہزار جݙاں جو ڈیلیوری ویناں کوں 35 ہزار روپے ماہانہ سبسڈی ݙتی ویندی پئی اے۔ وزیرِ اعظم آکھیا جو نظام اچ شفافیت کیتے اے رقم ڈیجیٹل والٹس دے ذریعے فراہم ݙتی ویندی پئی اے۔ انھاں سبسڈی دی رقم فی الفور جاری کرݨ دی ہدایت کیتی جیندے آغاز کل توں تھی چکیے ۔ وزیراعظم آکھیا جو جیڑھی سبسڈی سنوار دے ݙینھ توں ݙتی ونڄݨی ہئی، ایندا میݙی خصوصی ہدایت تے ہفتے دی چھٹی آلے ݙینھ توں ہی آغاز تھی چکیے۔ ایں سبسڈی کوں مہیا کرݨ کیتے ساری صوبائی حکومتاں دی طرفوں ٹرک، بساں تے مال بردار گاݙیاں دی تفصیلات وفاقی حکومت کوں ݙتیاں ڳئیاں۔ وزیراعظم آکھیا جو بلوچستان دی حکومت دی طرفوں قومی پیکیج کیتے طے شدہ رقم جمع کرا ݙتی ڳئی اے جیڑھی جو تعریف دے قابل اے۔ انھاں وزیراعلیٰ بلوچستان سرفراز بگٹی دا ایں سلسلے اچ خصوصی طور تے شکریہ ادا کریندے ایں توقع دا اظہار کیتا جو باقی صوبے وی ایں پیکج کیتے وقتی توں وقتی طے شدہ رقم جمع کرا ݙیسن ۔ وزیراعظم آکھیا جو پچھلے ترائے ہفتے اچ 129 ارب روپے دا عوامی ریلیف پیکیج ݙتا ڳیا، اوکھ دے ایں ویلھے اچ کہیں صورت عوام کوں کلہا کائنی چھوڑ سڳدے۔ وزیرِاعظم آکھیا جو پیٹرول لیوی اچ فی الفور 80 روپے فی لیٹر دی کمی کرتے عوام کوں ریلیف ݙتا ڳیا، پاکستان ریلویز 6 ارب روپے دی سبسڈی ݙیندی پئی اے جیں پاروں مسافر ریل گاݙیاں تے مال گاݙیاں دے کرائے اچ کہیں وی قسم دا اضافہ کائنی کیتا ویندا پیا، ٹول ٹیکس اچ سہ ماہی 25 فیصد ودھار وی واپس گھن گھدا ڳئے۔ وزیرِاعظم آکھیا جو اوکھے ویلھے اچ جتنا ممکن اے، عوامی ریلیف دے اقدامات چیندے پیوں تے چیندے رہسوں۔ اجلاس دے دوران بریفنگ اچ ݙسایا ڳیا جو ملکی ضروریات کوں پورا کرݨ کیتے ملک اچ ایندھن دے مناسب ذخیرے موجود ہن ۔ اجلاس اچ انٹیلیجنس بیورو دی طرفوں حکومتی کفایت شعاری و سادگی دے اقدامات دے نفاذ تے رپورٹ وی پیش کیتی ڳئی۔ اجلاس اچ نائب وزیراعظم تے وزیرِ خارجہ محمد اسحاق ڈار، وفاقی وزراء ڈاکٹر مصدق ملک، عطا اللہ تارڑ، علی پرویز ملک، احد خان چیمہ، محمد اورنگزیب، احسن اقبال، شزہ فاطمہ خواجہ، وزیرِمملکت بلال اظہر کیانی، معاونینِ خصوصی طلحہ برکی، طارق باجوہ، ڈی جی آئی بی تے متعلقہ اعلیٰ حکام شرکت کیتی۔