پنجاب، خیبر پختونخوا، بلوچستان، اسلام آباد، گلگت بلتستان تے آزاد جموں تے کشمیر اچ بازار تے مارکیٹاں رات 8 وڄے بند کرݨ دا فیصلہ

اسلام آباد۔ 6 اپریل (اے پی پی) پنجاب، خیبر پختونخوا، بلوچستان، اسلام آباد کیپیٹل ٹیریٹری، گلگت بلتستان تے آزاد جموں تے کشمیر اچ بازار، مارکیٹاں تے شاپنگ مالز رات 8 وڄے بند کرݨ دا فیصلہ کیتا ڳئے۔ خیبر پختونخوا دے ڈویژنل ہیڈ کوارٹرز اچ بازار، مارکیٹاں تے شاپنگ مالز رات 9 وڄے تائیں کھلے رکھݨ دی اجازت ہوسی ۔ بیکریاں، ریسٹورنٹس، تندور تے کھاݨ پاوݨ دی ٻئی دکاناں رات ݙاہ وڄے بند کر ݙتیاں ویسن ۔ میرج ہالز، مارکیز تے ٻئی کمرشل جاہواں جتھاں شادیاں تھیندن، رات 10 وڄے دے بعد بند رہسن اے ۔ میڈیکل سٹورز تے فارمیسیز دے اوقاتِ کار انھاں پابندیاں توں مستثنیٰ ہوسن۔ سنوار کوں وزیراعظم آفس دے میڈیا ونگ توں جاری تھئیے بیان دے مطابق وزیراعظم محمد شہباز شریف دی صدارت پٹرولیم مصنوعات، توانائی دی بچت تے کفایت شعاری دے اقدامات تے عملدرآمد دے حوالے نال ہک اہم جائزہ اجلاس تھیا۔ اجلاس اچ نائب وزیراعظم تے وزیرِ خارجہ اسحاق ڈار، وفاقی وزیرِ اقتصادی امور احد خان چیمہ تے متعلقہ اعلیٰ سرکاری افسراں شرکت کیتی۔ اجلاس اچ فیصلہ کیتا ڳیا جو پنجاب، خیبر پختونخوا، بلوچستان، اسلام آباد، گلگت بلتستان تے آزاد کشمیر اچ بازار، مارکیٹاں تے شاپنگ مالز رات 8 وڄے بند کر ݙتے ویسن ۔ خیبر پختونخوا دے ڈویژنل ہیڈ کوارٹرز اچ اے جاہواں رات 9 وڄے تائیں کھلے رکھݨ دی اجازت ہوسی، اے فیصلہ صوبائی حکومت دی مشاورت نال کیتا ڳیا۔ روزمرہ دے استعمال دی چیزاں دی دکاناں، ڈیپارٹمنٹل سٹورز تے ہر قسم دے مالز وی رات 8 بجے بند ہوسن، بیکریاں، ریسٹورنٹ، تندور تے کھاݨ پاوݨ دی ٻئی دکاناں رات ݙاہ وڄے بند کر ݙتیاں ویسن ۔ میرج ہالز، مارکیز تے ٻئی کمرشل جاہواں جتھاں شادیاں تھیندیاں ، رات 10 وڄے دے بعد بند رہسن اے ہ۔ نجی پراپرٹیز تے گھراں اچ وی شادی دی تقریبات رات 10 وڄے دے بعد کرݨ تے پابندی ہوسی ۔ اجلاس اچ فیصلہ کیتا ڳیا جو میڈیکل سٹورز تے فارمیسیز دے اوقاتِ کار انھاں پابندیاں توں مستثنیٰ ہوسن، انھاں فصیلیاں دا اطلاق 7 اپریل توں تھیسی ۔ اجلاس کوں ݙسایا ڳیا جو صوبہ سندھ اچ مارکیٹاں تے ٻئے اوقاتِ کار دے حوالے نال مشاورت جاری اے۔ وفاقی حکومت دی طرفوں پٹرولیم مصنوعات دی مد اچ ݙتی ڳئی سبسڈی ڈیجیٹل والٹس دے ذریعے منتقل کرݨ دا عمل جاری اے، ہک لکھ ٹرانزیکشن تھی چکین۔ وزیراعظم آکھیا جو پنجاب، خیبر پختونخوا، بلوچستان، گلگت بلتستان دے وزرائے اعلیٰ تے وزیراعظم آزاد جموں تے کشمیر دا شکریہ ادا کریندوں جو انھاں قومی اہمیت دے انھاں معاملیاں اچ اتفاقِ رائے نال فیصلہ کیتا، سندھ حکومت دی سٹیک ہولڈرز نال مشاورت جاری اے۔ میکوں امید اے جو وزیراعلیٰ سندھ وی ایں حوالے نال جلدی مشاورت مکمل کرݨ دے بعد ایں فیصلے اچ شامل تھی ویسن ۔ وزیراعظم آکھیا جو گلگت شہر تے مظفر آباد شہر اچ انٹراسٹی پبلک ٹرانسپورٹ ہک مہینے کیتے مفت ہوسی، ایندے سارے خرچے وفاقی حکومت برداشت کریسی۔