نوجواناں کوں زیادہ توں زیادہ موقع ݙیوݨ کیتے حکومت دے اقدامات کہیں وی طرح متاثر نہ تھیسن، وزیراعظم شہباز شریف دی چیئرمین پرائم منسٹر یوتھ پروگرام نال ملاقات

اسلام آباد۔ 7 اپریل (اے پی پی) وزیراعظم محمد شہباز شریف خطے اچ کشیدگی تے موجودہ معاشی دباؤ دے باوجود یوتھ پروگرام دے تحت نوجواناں دی فلاح و بہبود دے منصوبیاں کوں جاری رکھݨ دی ہدایت کریندیں ہوئیں آکھیا جو نوجوان اساݙا مستقبل ہن، انھاں کوں زیادہ توں زیادہ موقع ݙیوݨ کیتے حکومت دے اقدامات کہیں وی طریقے نال متاثر نہ تھیسن۔ او چیئرمین پرائم منسٹر یوتھ پروگرام رانا مشہود احمد خان نال ڳالھ مہاڑ کریندے پئے ہن جنھاں منگل کوں انھاں نال ملاقات کیتی اے۔ وزیراعظم آکھیا جو نوجواناں کوں ملازمت، تعلیم تے فنی تربیت ݙیوݨ حکومت دی پہلی ترجیح اے۔ اساں نوجواناں کوں عالمی مارکیٹ اچ بہترین افرادی قوت دے طور تے متعارف کرواوݨ کیتے کوشاں ہیسے۔ انھاں واضح کیتا جو خطے دی کشیدگی تے معاشی صورتحال دے باعث نوجواناں دی ترقی دے منصوبے متاثر نہ تھیسن۔