اسلام آباد۔ 7 اپریل (اے پی پی) وزیرِ دفاع خواجہ محمد آصف ترکیہ دے نال دیرینہ برادرانہ تعلقات کوں ٻیا مستحکم بݨاوݨ دے پاکستان دے عزم دا اعادہ کیتے اتے ݙوہیں ملکاں وچال دفاع، تربیت اتے دفاعی صنعت دے شعبیاں اچ ودھدے ہوئیں تعاون کوں سراہیا ۔ منگل کوں وزارتِ دفاع توں جاری بیان دے مطابق ترک جنرل سٹاف دے نائب سربراہ جنرل لیونت ارگُن وفاقی وزیرِ دفاع خواجہ محمد …
وزیرِ دفاع خواجہ محمد آصف دا ترکیہ دے نال دیرینہ برادرانہ تعلقات کوں ٻیا مستحکم بݨاوݨ دے پاکستان دے عزم دا اعادہ
اسلام آباد۔ 7 اپریل (اے پی پی) وزیرِ دفاع خواجہ محمد آصف ترکیہ دے نال دیرینہ برادرانہ تعلقات کوں ٻیا مستحکم بݨاوݨ دے پاکستان دے عزم دا اعادہ کیتے اتے ݙوہیں ملکاں وچال دفاع، تربیت اتے دفاعی صنعت دے شعبیاں اچ ودھدے ہوئیں تعاون کوں سراہیا ۔ منگل کوں وزارتِ دفاع توں جاری بیان دے مطابق ترک جنرل سٹاف دے نائب سربراہ جنرل لیونت ارگُن وفاقی وزیرِ دفاع خواجہ محمد آصف نال ملاقات کیتی ۔ ملاقات اچ آپسی دلچسپی دے معاملیاں تے ڳالھ کیتی ڳئی جیندے اچ پاکستان تے ترکیہ وچال دفاعی تے عسکری تعاون کوں ٻیا مضبوط بݨاوݨ تے خاص توجہ ݙتی ڳئی ۔ وزیرِ دفاع معزز مزمان دا خیرمقدم کریندیں ہوئیں ترکیہ دے نال پراݨے برادرانہ تعلقات کوں ٻیا مستحکم بݨاوݨ دے پاکستان دے عزم دا اعادہ کیتے۔ انھاں پاکستان ولوں ترکیہ دے نال سٹریٹجک شراکت داری دی اہمیت کوں اجاگر کیتا اتے دفاع، تربیت تے دفاعی صنعت دے شعبیاں اچ ودھدے ہوئیں تعاون کوں سراہیا ۔ ݙوہیں معزز شخصیتاں ایں ڳالھ دی توثیق کیتی جو پاکستان تے ترکیہ علاقائی تے عالمی معاملیاں تے ہکو جھیا نقطہٴ نظر رکھیندے اتے سفارتی معاملات اچ قریبی ہم آہنگی برقرار رکھی ہوئی اے۔ جنرل لیونت ارگُن ترک وفد کیتے پر تپاک مہمان نوازی تے شکریہ ادا کیتا اتے آپسی دلچسپی دے شعبیاں اچ دفاعی تعاون کوں ٻیا ودھاوݨ دے ترکی دے عزم دا اظہار کیتے ۔ ݙوہیں پاسوں پاک ترکیہ تعلقات دی مثبت پیشرفت تے اطمینان دا اظہار کیتا اتے مستقبل اچ قریبی رابطیاں تے اعلیٰ سطحی تبادلیاں کوں جاری رکھݨ دے عزم دا اعادہ کیتا۔
