اسلام آباد۔ 7 اپریل (اے پی پی) پاکستان سعودی عرب دے مشرقی علاقے اچ توانائی دی تنصیبات تے میزائل تے ڈرون حملیاں تے گہری تشویش دا اظہار کریندیں ہوئیں انھاں دی ݙوٹوک الفاظ اچ مذمت کیتی اے۔ منگل کوں ترجمان دفترِ خارجہ ولوں جاری بیان اچ آکھیا ڳیا جو پاکستان انھاں حملیاں اچ تھیوݨ آلے جانی نقصان تے افسردہ اے اتے اہم بنیادی ڈھانچے کوں تھیوݨ آلے نقصان دی شدید …
پاکستان دی سعودی عرب اچ توانائی دی تنصیبات تے حملیاں تے تشویش ، ݙوٹوک لفظاں اچ مذمت
اسلام آباد۔ 7 اپریل (اے پی پی) پاکستان سعودی عرب دے مشرقی علاقے اچ توانائی دی تنصیبات تے میزائل تے ڈرون حملیاں تے گہری تشویش دا اظہار کریندیں ہوئیں انھاں دی ݙوٹوک الفاظ اچ مذمت کیتی اے۔ منگل کوں ترجمان دفترِ خارجہ ولوں جاری بیان اچ آکھیا ڳیا جو پاکستان انھاں حملیاں اچ تھیوݨ آلے جانی نقصان تے افسردہ اے اتے اہم بنیادی ڈھانچے کوں تھیوݨ آلے نقصان دی شدید مذمت کریندے ۔ ترجمان آپݨے بیان اچ آکھیا جو حکومتِ پاکستان جاں بحق تھیوݨ آلیاں دے لواحقین نال دلی تعزیت دا اظہار کریندی اے اتے ایں مشکل گھڑی اچ سعودی عرب دی حکومت تے عوام دے نال بھرپور یکجہتی دا اعادہ کریندی اے۔ بیان دے مطابق حکومتِ پاکستان انھاں حملیاں کوں سعودی عرب دی خودمختاری تے علاقائی سالمیت دی سنگین خلاف ورزی اتے خطے دے امن تے استحکام کوں نقصان پڄاوݨ آلی خطرناک کشیدگی قرار ݙیندی اے۔ بیان اچ ٻیا آکھیا ڳیا جو پاکستان سعودی عرب دی سلامتی کیتے آپݨی غیر متزلزل حمایت دا اعادہ کریندے۔
