اسلام آباد۔ 8 اپریل (اے پی پی) وزیراعظم محمد شہباز شریف آکھیا اے جو ایران دے صدر مسعود پزشکیان نال نہایت خوشگوار تے بامعنی ڳالھ مہاڑ تھئی اے، صدر پزشکیان آوݨ آلے مذاکرات اچ ایران دی شرکت دی توثیق کیتی اتے پاکستان دی کوشِشاں کوں سراہندیں ہوئیں پاکستانی عوام کیتے نیک خواہشات دا اظہار کیتے ۔ بدھ کوں سماجی رابطے دی ویب سائٹ ایکس (ٹویٹر) تے ہک بیان اچ وزیراعظم …
ایران دے صدر مسعود پزشکیان نال نہایت خوشگوار تے بامعنی ڳالھ مہاڑ تھئی اے، وزیراعظم شہباز شریف
اسلام آباد۔ 8 اپریل (اے پی پی) وزیراعظم محمد شہباز شریف آکھیا اے جو ایران دے صدر مسعود پزشکیان نال نہایت خوشگوار تے بامعنی ڳالھ مہاڑ تھئی اے، صدر پزشکیان آوݨ آلے مذاکرات اچ ایران دی شرکت دی توثیق کیتی اتے پاکستان دی کوشِشاں کوں سراہندیں ہوئیں پاکستانی عوام کیتے نیک خواہشات دا اظہار کیتے ۔ بدھ کوں سماجی رابطے دی ویب سائٹ ایکس (ٹویٹر) تے ہک بیان اچ وزیراعظم آکھیا جو اج انھاں دی ایران دے صدر مسعود پزشکیان نال نہایت خوشگوار تے بامعنی ڳالھ تھئی اے۔ وزیراعظم آکھیا جو انھاں پاکستان ولوں اسلام آباد اچ ایں ہفتے دے چھیکڑ اچ امن مذاکرات دی میزبانی دی پیشکش قبول کرݨ تے ایرانی قیادت دی دانشمندی تے بصیرت کوں سراہے تاں جو خطے اچ امن دی بحالی کیتے سانجھی کوشِشاں کیتی ونڃ سڳن ۔ وزیراعظم آکھیا جو صدر مسعود پزشکیان آوݨ آلے مذاکرات اچ ایران دی شرکت دی توثیق کیتی اتے پاکستان دی کوشِشاں کوں سراہندیں ہوئیں پاکستانی عوام کیتے نیک خواہشات دا اظہار کیتے ۔ وزیراعظم آکھیا جو پاکستان خطے تے دنیا اچ امن تے استحکام دے فروغ کیتے آپݨے سارے دوست ملکاں تے شراکت داراں دے نال قریبی تعاون جاری رکھݨ دے عزم دا اعادہ کریندے۔
