اسلام آباد۔ 8 اپریل (اے پی پی) سپیکر قومی اسمبلی سردار ایاز صادق آکھیا جو پاکستان دی سفارتی کوشِشاں توں مشرقِ وسطیٰ اچ جنگ بندی دا اعلان تھیے۔ اے ہک تاریخ ساز کامیابی اے تے پوری دنیا اچ پاکستان دی عزت تے تکریم تھیندی پئی اے۔ وزیراعظم محمد شہباز شریف، نائب وزیراعظم اتے وزیرِ خارجہ اسحاق ڈار اتے مسلح افواج دے سربراہ فیلڈ مارشل سید عاصم منیر کوں انھاں دی …
وزیراعظم، وزیرِ خارجہ تے فیلڈ مارشل کوں بے مثال سفارتکاری تے خراجِ تحسین پیش کرینداں، سردار ایاز صادق
اسلام آباد۔ 8 اپریل (اے پی پی) سپیکر قومی اسمبلی سردار ایاز صادق آکھیا جو پاکستان دی سفارتی کوشِشاں توں مشرقِ وسطیٰ اچ جنگ بندی دا اعلان تھیے۔ اے ہک تاریخ ساز کامیابی اے تے پوری دنیا اچ پاکستان دی عزت تے تکریم تھیندی پئی اے۔ وزیراعظم محمد شہباز شریف، نائب وزیراعظم اتے وزیرِ خارجہ اسحاق ڈار اتے مسلح افواج دے سربراہ فیلڈ مارشل سید عاصم منیر کوں انھاں دی مشترکہ بے مثال سفارتکاری تے انتھک محنت تے خراجِ تحسین پیش کرینداں۔ بدھ کوں قومی اسمبلی اچ آپݨے ریمارکس اچ سپیکر قومی اسمبلی سردار ایاز صادق آکھیا جو پوری پاکستانی قوم کیتے اے تاریخی اعزاز تے قابلِ فخر لمحہ اے۔ انھاں آکھیا جو اے ایوان ݙوہیں پاسوں دی قیادت دے فہم تے فراست دا اعتراف کریندے جئیں مذاکرات کوں جنگ تے ترجیح ݙیندیں ہوئیں عالمی امن دی راہ ہموار کیتی اے۔ سردار ایاز صادق آکھیا جو میں اتھاں بطورِ خاص وزیراعظم پاکستان محمد شہباز شریف، نائب وزیراعظم تے وزیرِ خارجہ اسحاق ڈار تے مسلح افواج دے سربراہ فیلڈ مارشل سید عاصم منیر کوں انھاں دی مشترکہ بے مثال سفارتکاری تے انتھک محنت تے خراجِ تحسین پیش کرینداں۔
