وزیراعظم محمد شہباز شریف دی وفاقی کابینہ اجلاس اچ آمد، ارکان دا نشستاں تے کھڑے تھی تے تاڑیاں وڄا تے شاندار استقبال

اسلام آباد۔ 8 اپریل (اے پی پی) وزیراعظم محمد شہباز شریف دا وفاقی کابینہ دے اجلاس اچ آوݨ تے ارکان نشستاں تے کھڑے تھی تے تاڑیاں وڄا تے شاندار استقبال کیتا جݙاں جو وزیراعظم محمد شہباز شریف نائب وزیراعظم تے وزیرِ خارجہ محمد اسحاق ڈار اتے چیف آف ڈیفنس فورسز تے آرمی چیف فیلڈ مارشل سید عاصم منیر کوں عارضی جنگ بندی کیتے بے مثال کردار تے شاندار خراجِ تحسین پیش کیتے۔ بدھ کوں وزیراعظم وفاقی کابینہ دے اجلاس اچ شرکت کیتے آئے تاں ارکان پاکستان دی شاندار سفارتی کامیابی تے عارضی جنگ بندی کیتے کوشِشاں دے بار آور تھیوݨ تے وزیراعظم دا پرتپاک خیرمقدم کیتا ۔ ارکان آپݨی نشستاں تے کھڑے تھی تے تاڑیاں وڄا تے وزیراعظم دا استقبال کیتا اتے ایں تاریخی کامیابی تے انھاں کوں مبارکباد ݙتی ۔ وزیراعظم وفاقی کابینہ دے ارکان دا شکریہ ادا کیتا اتے وفاقی کابینہ توں آپݨے خطاب اچ نائب وزیراعظم تے وزیرِ خارجہ سینیٹر اسحاق ڈار تے انھاں دی ٹیم دا انتھک سفارتی کوشِشاں تے شکریہ ادا کریندیں ہوئیں انھاں کوں خراجِ تحسین پیش کیتا۔ وزیراعظم پاکستان دی ایں کامیابی دا کریڈٹ اللہ تعالیٰ دی مہربانی دے بعد سیاسی تے عسکری قیادت دی یکسوئی کوں ݙتا اتے آکھیا جو اے یکسوئی ہمیشہ رہسی ۔ انھاں آکھیا جو فیلڈ مارشل سید عاصم منیر کئی راتیں جاڳدے رہیے اتے امریکی تے ایرانی قیادت نال رابطے اچ رہیے۔ وفاقی کابینہ دے اجلاس اچ نائب وزیراعظم سینیٹر اسحاق ڈار اتے فیلڈ مارشل سید عاصم منیر کیتے زوردار تاڑیاں وڄائیاں ڳئیاں۔