اسلام آباد۔ 9 اپریل (اے پی پی) پاکستان تے فرانس لبنان اچ جاری جارحیت تے ٻہوں تشویش دا اظہار کریندیں ہوئیں خطے اچ امن دی بحالی کیتے تشدد تے خونریزی دے فوری خاتمے تے زور ݙتے جݙاں جو فرانس دے صدر ایمانوئل میکرون امریکہ تے ایران وچال جنگ بندی تے فریقین کوں مذاکرات دی میز تے گھن آوݨ تے ثالثی دی کوشِشاں تے وزیراعظم شہباز شریف کوں مبارکباد ݙتی اے۔ …
وزیراعظم شہباز شریف کوں فرانس دے صدر ایمانوئل میکرون دا ٹیلیفون، امریکہ-ایران جنگ بندی، فریقین کوں مذاکرات دی میز تے گھن آوݨ تے ثالثی دی کوشِشاں تے وزیراعظم کوں مبارکباد
اسلام آباد۔ 9 اپریل (اے پی پی) پاکستان تے فرانس لبنان اچ جاری جارحیت تے ٻہوں تشویش دا اظہار کریندیں ہوئیں خطے اچ امن دی بحالی کیتے تشدد تے خونریزی دے فوری خاتمے تے زور ݙتے جݙاں جو فرانس دے صدر ایمانوئل میکرون امریکہ تے ایران وچال جنگ بندی تے فریقین کوں مذاکرات دی میز تے گھن آوݨ تے ثالثی دی کوشِشاں تے وزیراعظم شہباز شریف کوں مبارکباد ݙتی اے۔ وزیراعظم آفس دے میڈیا ونگ توں جاری تھئیے بیان دے مطابق وزیراعظم محمد شہباز شریف کوں فرانس دے صدر ایمانوئل میکرون خمیس کوں ٹیلیفون کیتا۔ گرمجوش تے خوشگوار ڳالھ مہاڑ اچ صدر میکرون ایران تے امریکہ وچال جنگ بندی کراوݨ تے ݙوہیں فریقین کوں مذاکرات دی میز تے گھن آوݨ اچ پاکستان دی ثالثی دی کوشِشاں تے وزیراعظم کوں مبارکباد ݙتی اے۔ انھاں اسلام آباد اچ تھیوݨ آلے آوݨ آلے امن مذاکرات دی کامیابی کیتے وی نیک خواہشات دا اظہار کیتے۔ صدر میکرون ولوں پاکستان دی سفارتی کاوشاں دی حمایت تے شکریہ ادا کریندیں ہوئیں وزیراعظم ایں عزم دا اعادہ کیتا جو پاکستان خطے اچ امن تے استحکام کیتے آپݨی کوشِشاں جاری رکھیسی ۔ ݙوہیں رہنماواں لبنان اچ جاری جارحیت تے ٻہوں تشویش دا اظہار کیتا اتے زور ݙتا جو تشدد تے خونریزی دا فوری خاتمہ ضروری اے تاں جو پورے خطے اچ امن بحال کیتا ونڃ سڳے۔ ݙوہیں رہنماواں آپسی رابطے اچ رہݨ تے اتفاق کیتے۔
