اسلام آباد۔ 9 اپریل (اے پی پی) امیرِ قطر شیخ تمیم بن حمد الثانی وزیراعظم محمد شہباز شریف کوں پاکستان دی کامیاب سفارتی کوشِشاں تے مبارکباد ݙتی جئیں دی بدولت ایران تے امریکہ اچ جنگ بندی تھئی اتے فریقین وچال مذاکرات تھیوݨ ویندے پئن۔ وزیراعظم آفس دے میڈیا ونگ توں جاری تھئیے بیان دے مطابق وزیراعظم محمد شہباز شریف تے قطر دے امیر شیخ تمیم بن حمد الثانی وچال خمیس …
وزیراعظم شہباز شریف تے امیرِ قطر شیخ تمیم بن حمد الثانی وچال ٹیلیفونک ڳالھ مہاڑ، وزیراعظم کوں پاکستان دی کامیاب سفارتی کوشِشاں تے مبارکباد
اسلام آباد۔ 9 اپریل (اے پی پی) امیرِ قطر شیخ تمیم بن حمد الثانی وزیراعظم محمد شہباز شریف کوں پاکستان دی کامیاب سفارتی کوشِشاں تے مبارکباد ݙتی جئیں دی بدولت ایران تے امریکہ اچ جنگ بندی تھئی اتے فریقین وچال مذاکرات تھیوݨ ویندے پئن۔ وزیراعظم آفس دے میڈیا ونگ توں جاری تھئیے بیان دے مطابق وزیراعظم محمد شہباز شریف تے قطر دے امیر شیخ تمیم بن حمد الثانی وچال خمیس کوں ٹیلیفون تے ڳالھ مہاڑ تھئی۔ آپݨی انتہائی گرمجوش تے دوستانہ ڳالھ مہاڑ دے دوران امیرِ قطر وزیراعظم کوں پاکستان دی کامیاب سفارتی کوشِشاں تے مبارکباد پیش کیتی جئیں پاروں ایران تے امریکہ اچ جنگ بندی تھئی تے فریقین وچال مذاکرات تھیوݨ ویندے پئن۔پاکستان دی مخلصانہ تے ثالثی دی کوشِشاں کوں سراہݨ تے امیرِ قطر دا شکریہ ادا کریندیں ہوئیں وزیراعظم قطری قیادت دی دانشمندی تے تدبر کوں سراہیا جئیں دی بدولت گزشتہ چھی ہفتیاں اچ مسلسل حملیاں دا سامݨا کرݨ دے باوجود مثالی تحمل دا مظاہرہ کیتا ڳئے۔ انھاں قطر دی قیادت تے عوام دے نال پاکستان دی یکجہتی دا اعادہ کریندیں ہوئیں یقین ݙوایا جو ݙوہیں ملک ہمیشہ ہک ݙوجھے نال مونڈھے نال مونڈھا رلا تے کھڑے رہسن ۔ ݙوہیں رہنماواں ایں امید دا اظہار کیتا جو سانجھی کوشِشاں نال پورے خطے اچ ٻہوں جلد امن واپس امسی۔
