1973 دا آئین قومی یکجہتی تے ادارہ جاتی استحکام دی بنیاد اے، ترقی کیتے ایندی پاسداری ضروری اے، سپیکر قومی اسمبلی

اسلام آباد۔ 10 اپریل (اے پی پی) سپیکر قومی اسمبلی سردار ایاز صادق 1973 دے متفقہ آئین دی منظوری تے قومی قیادت کوں خراجِ تحسین پیش کریندیں ہوئیں آکھیا جو 1973 دا آئین قومی یکجہتی تے ادارہ جاتی استحکام دی بنیاد اے، آئین شہریاں دے حقوق دے تحفظ دی ضمانت فراہم کریندے ، قومی ترقی کیتے آئین دی پاسداری ضروری اے۔ جاری بیان دے مطابق سپیکر قومی اسمبلی آکھیا جو 10 اپریل 1973 پاکستان دی جمہوری تاریخ دا اہم سنگِ میل اے، قانون دی حکمرانی تے جمہوری تسلسل قومی ترقی کیتے ضروری اے۔ سردار ایاز صادق آکھیا جو آئین ریاستی اداریاں دے اختیارات تے ذمہ واریاں دا تعین کریندے ، پارلیمنٹ شفافیت تے مؤثر قانون سازی کیتے پرعزم اے، قومی اتحاد آئینی اصولاں نال وابستگی توں مضبوط تھیندے۔ سپیکر قومی اسمبلی آکھیا جو نوجوان نسل کوں آئین توں آگاہ کرݨ ویلھے دی اہم لوڑھ اے، سیاسی قوتاں قومی مفاد اچ متحد تھی تے کم کرن اے۔