محرم الحرام، سکیورٹی انتظامات کیتے پنجاب پولیس دے 1 لکھ 24 ہزار جوان فرائض انجام ݙیندے پئن، ترجمان

لاہور۔25 جون (اے پی پی) محرم الحرام دے سکیورٹی انتظامات کیتے پنجاب پولیس دے 1 لکھ 24 ہزار جوان فرائض انجام ݙیندے پئن۔ نیٹ ورک دی بندش دے باوجود کمیونیکیشن تے کوآرڈینیشن بحال رکھݨ کیتے پنجاب حکومت اپݨا ایل ٹی ای (LTE) نیٹ ورک لانچ کرݙتے۔ پراونشل کنٹرول تے ڈسٹرکٹ کنٹرول یونٹ ہائی الرٹ ہن، لائیو اینڈ جیو ٹیگڈ ویڈیو مانیٹرنگ جاری اے۔ترجمان موجب محکمہ داخلہ اچ قائم پراونشل انٹیلی جنس سینٹر دی ڈیجیٹل وال تے سارے جلوساں تے مجالس دی لائیو سی سی ٹی وی مانیٹرنگ دا پل پل معائنہ کیتا ویندا پئے۔ سکیورٹی مانیٹرنگ کیتے صوبے اچ 5 ہزار 623 توں ودھ سی سی ٹی وی کیمرے فعال ہن۔ میدانی حالات تے نظر رکھݨ کیتے 1040 باڈی کیمز تے جدید ڈرونز دا استعمال کیتا ویندا پئے۔ حساس ترین جہیں تے 1000 توں ودھ جدید 4G ایونٹ کیمرے وی لاتے ڳئن۔ صوبے اچ ہݨ تئیں 43 ٹارگٹڈ انٹیلی جنس بیسڈ آپریشنز کیتے ڳئن۔محرم الحرام دے دوران مروجہ تے لائسنس یافتہ جلوساں دے علاوہ کہیں نویں جلوس یا روٹ دی اجازت کائنی۔ پنجاب دی مجالس دی لوکیشن تے کیٹاگریز دا ڈیجیٹل نقشہ بݨایا ڳئے۔ ہم آہنگی تے امن و امان کیتے پنجاب حکومت تے اتحادِ بین المسلمین وچال ہاٹ لائن رابطہ جاری اے، پنجاب بھر دی مجالس تے جلوساں دا ڈویژن تے ضلع وار ڈیٹا مرتب کرڳھدا ڳئے۔ ایویں پرونشل کنٹرول روم ہر ضلع نال براہِ راست منسلک کر ݙتا ڳیا۔ صوبے اچ جلوساں، مجالس تے حساس جہیں دی سیف سٹی تے پرائیویٹ کیمریں توں ریئل ٹائم مانیٹرنگ جاری اے۔