اسلام آباد۔27 جون (اے پی پی) وفاقی پارلیمانی سیکرٹری اطلاعات و نشریات بیرسٹر دانیال چوہدری آکھیے جو پاکستان دی خارجہ پالیسی بین الاقوامی سطح تے نتیجے ݙیندی پئی اے، ملک بہتر اقتصادی تبدیلی دے پاسے ٹردا پئے ، آوݨ آلے مہینے اچ قومی اہداف حاصل کرݨ تے مہانگ تے قابو پاوݨ اچ مدد ملسی۔ سرکاری نیوز چینل نال ڳالھ مہاڑ کریندے بیرسٹر دانیال چوہدری آکھیا جو مسلم لیگ (ن) دی …
پاکستان دی خارجہ پالیسی بین الاقوامی سطح تے نتیجے ݙیندی پئی اے،بیرسٹر دانیال چوہدری
مزید خبراں
اسلام آباد۔27 جون (اے پی پی) وفاقی پارلیمانی سیکرٹری اطلاعات و نشریات بیرسٹر دانیال چوہدری آکھیے جو پاکستان دی خارجہ پالیسی بین الاقوامی سطح تے نتیجے ݙیندی پئی اے، ملک بہتر اقتصادی تبدیلی دے پاسے ٹردا پئے ، آوݨ آلے مہینے اچ قومی اہداف حاصل کرݨ تے مہانگ تے قابو پاوݨ اچ مدد ملسی۔ سرکاری نیوز چینل نال ڳالھ مہاڑ کریندے بیرسٹر دانیال چوہدری آکھیا جو مسلم لیگ (ن) دی قیادت اچ حکومت کوں معیشت خطرے دے دہانے تے ملی ہئی پر ایں کامیابی دے نال ملک کوں بحران توں کڈھ تے استحکام، بحالی تے بین الاقوامی اعتماد دی تجدید دے پاسے اڳوں ودھائے۔ انھاں آکھیا جو پاکستان ہݨ معاشی استحکام تے ترقی دی راہ تے گامزن اے۔ انھاں مزید آکھیا جو اہم میکرو اکنامک اشاریے بہتر تھیندے پئن تے سرمایہ کاراں دا اعتماد بتدریج بحال تھیندا پئے۔انھاں آکھیا جو وزیرِاعظم محمد شہباز شریف تے فیلڈ مارشل سید عاصم منیر دی قیادت اچ ملک دی خارجہ پالیسی اچ نمایاں کامیابیاں ملئن جیڑھیاں پاکستان دی بین الاقوامی مصروفیات تے سفارتی ساکھ دی بحالی اچ ہک تاریخی کامیابی اے۔ بیرسٹر دانیال چوہدری آکھیا جو پاکستان اپݨے پیراں تے کھڑا تھی ڳئے تے ہݨ پائیدار استحکام تے ترقی آلے پاسے ودھݨ دی پوزیشن اچ اے، افراطِ زر دا دباؤ بتدریج گھٹ تھیندا پئے تے معاشی حالات اچ مسلسل بہتری ݙکھالی ݙیندی پئی اے۔
