اسلام آباد۔14جولائی(اے پی پی)نائب وزیرِاعظم و وزیرِ خارجہ سینیٹر محمد اسحاق ڈار سول اعزازات کیتے ملݨ آلیاں نامزدگیاں دا جائزہ گھنݨ کیتے ہک اجلاس دی صدارت کیتی۔ نائب وزیرِاعظم و وزیرِ خارجہ آکھیا جو سول اعزازات ݙیوݨ دا عمل شفاف، منصفانہ اتے مکمل طور تے میرٹ تے ہووݨا چاہیدے تاں جو پاکستان کیتے اڳونہاں خدمتاں ݙیوݨ آلے لوکاں کوں قومی سطح تے خراجِ تحسین پیش کیتا ونڄ سڳے۔ انہاں زور …
نائب وزیرِاعظم سینیٹر محمد اسحاق ڈار دی زیرِ صدارت سول اعزازات کیتے ملݨ آلیاں نامزدگیاں بارے جائزہ اجلاس
اسلام آباد۔14جولائی(اے پی پی)نائب وزیرِاعظم و وزیرِ خارجہ سینیٹر محمد اسحاق ڈار سول اعزازات کیتے ملݨ آلیاں نامزدگیاں دا جائزہ گھنݨ کیتے ہک اجلاس دی صدارت کیتی۔ نائب وزیرِاعظم و وزیرِ خارجہ آکھیا جو سول اعزازات ݙیوݨ دا عمل شفاف، منصفانہ اتے مکمل طور تے میرٹ تے ہووݨا چاہیدے تاں جو پاکستان کیتے اڳونہاں خدمتاں ݙیوݨ آلے لوکاں کوں قومی سطح تے خراجِ تحسین پیش کیتا ونڄ سڳے۔ انہاں زور ݙتے جو بیرونِ ملک مقیم مستحق پاکستانیاں دیاں ملک کیتے بہترین خدمات کوں وی مناسب طور تے منݨاں چاہیدے اتے انھاں کوں وی سول اعزازات ݙتے ونڄݨے چاہیدن۔ اجلاس اچ وزیرِاعظم دے معاونِ خصوصی طارق باجوہ، سیکرٹری خارجہ سفیر آمنہ بلوچ، کابینہ سیکرٹری، اوورسیز پاکستانیز فاؤنڈیشن (او پی ایف) اتے وزارتِ سمندر پار پاکستانیز و انسانی وسائل دی ترقی دے سینئر حکام شرکت کیتی۔
