وزیراعظم شہباز شریف دا شمالی بحیرہِ عرب اچ پھتے ماہی گیراں کوں بچاوݨ تے پاک بحریہ کوں خراجِ تحسین

اسلام آباد۔30جولائی (اے پی پی) وزیراعظم محمد شہباز شریف شمالی بحیرہِ عرب اچ پھتے ماہی گیراں کوں بچاوݨ تے پاک بحریہ کوں خراجِ تحسین پیش کریندیں ہوئیں آکھیا جو کامیاب ریسکیو آپریشن سمندر اچ انسانی جاناں دے تحفظ کیتے پاک بحریہ دے عزم تے ہمہ وقت تیاری دا مظہر اے۔ خمیس کوں وزیراعظم آفس دے میڈیا ونگ توں جاری بیان دے مطابق وزیراعظم آکھیا جو پاک بحریہ دے جہاز پی این ایس تیمور کامیاب آپریشن اچ سمندر اچ پھتے 19 ماہی گیراں کوں بحفاظت ریسکیو کیتا۔ وزیراعظم کشتی تے سوار عملے دے تمام 19 افراد، جنھاں اچ 11 پاکستانی تے 8 ایرانی شہری شامل ہن، کوں بحفاظت بچاوݨ تے آپریشن اچ شامل پاک بحریہ دے افسراں تے جواناں دی پذیرائی کیتی۔انھاں آکھیا جو پاک بحریہ دے جواناں کشتی دے عملے کوں سمندر اچ خوراک، پیوݨ دا پاݨی تے طبی امداد فراہم کیتی جو جو اساݙیاں افواج دی انسانی ہمدردی تے پیشہ ورانہ تربیت دا عملی ثبوت اے، اے کامیاب ریسکیو آپریشن سمندر اچ انسانی جاناں دے تحفظ کیتے پاک بحریہ دے عزم تے ہمہ وقت تیاری دا مظہر اے۔