اسلام آباد۔30جولائی(اے پی پی)نائب وزیراعظم تے وزیرِ خارجہ سینیٹر محمد اسحاق ڈار دی اڳواݨی اچ بین الوزارتی اجلاس تھئے جیندے اچ دوست ملکاں دے طلبہ کیتے پاکستان دے بین الاقوامی تعلیمی تعاون اتے سکالرشپ پروگرامز دا جائزہ ڳھدا ڳیا۔ وفاقی سیکرٹری تعلیم اجلاس کوں مختلف ملکاں دے طلبہ کوں ݙتیاں ونڄݨ والیاں سکالرشپس بارے بریفنگ ݙتی۔ نائب وزیراعظم تے وزیرِ خارجہ وزارتِ تعلیم دیاں کوششاں دی تعریف کریندے تعلیمی روابط …
نائب وزیراعظم اسحاق ڈار دی اڳواݨی اچ بین الوزارتی اجلاس، دوست ملکاں دے طلبہ کیتے پاکستان دے بین الاقوامی تعلیمی تعاون اتے سکالرشپ پروگرامز دا جائزہ
اسلام آباد۔30جولائی(اے پی پی)نائب وزیراعظم تے وزیرِ خارجہ سینیٹر محمد اسحاق ڈار دی اڳواݨی اچ بین الوزارتی اجلاس تھئے جیندے اچ دوست ملکاں دے طلبہ کیتے پاکستان دے بین الاقوامی تعلیمی تعاون اتے سکالرشپ پروگرامز دا جائزہ ڳھدا ڳیا۔ وفاقی سیکرٹری تعلیم اجلاس کوں مختلف ملکاں دے طلبہ کوں ݙتیاں ونڄݨ والیاں سکالرشپس بارے بریفنگ ݙتی۔ نائب وزیراعظم تے وزیرِ خارجہ وزارتِ تعلیم دیاں کوششاں دی تعریف کریندے تعلیمی روابط اتے تعاون ودھاوݨ دےا قدامات تے اطمینان کیتے۔ انہاں ہدایت کیتی جو دوست ملکاں نال تعلیمی تعاون دا دائرہ ودھا تے تعلیمی تبادلاں اتے سکالرشپ دے مواقعیاں نال عوامی سطح تے روابط تکڑے کیتے ونڄن۔ اجلاس اچ وفاقی وزیر برائے سائنس و ٹیکنالوجی، وزیراعظم دے معاونِ خصوصی طارق باجوہ، سیکرٹری خارجہ، سیکرٹری تعلیم، چیئرمین ہائر ایجوکیشن کمیشن (ایچ ای سی) اتے متعلقہ اداریاں دے سینئر حکام شرکت کیتی۔
