وزیراعظم شہباز شریف دا کوئلے دی کان دے حادثے اچ مزدوراں دی اموات تے ݙکھ تے افسوس

اسلام آباد۔31جولائی (اے پی پی) وزیراعظم محمد شہباز شریف کوئٹہ دے نواحی علاقے سورنج اچ کوئلے دی کان اچ پیش آوݨ آلے المناک حادثے اچ مزدوراں دیاں اموات تے گہرے ݙکھ تے افسوس دا اظہار کیتے۔ جمعہ کوں وزیراعظم آفس دے میڈیا ونگ توں جاری بیان دے مطابق وزیراعظم آکھیا جو سورنج اچ کوئلے دی کان اچ گیس بھر ونڄݨ پاروں تھیوݨ آلا حادثہ نہایت افسوسناک اے۔ وزیراعظم پی ڈی ایم اے تے ٻئے متعلقہ اداریاں کوں امدادی کارروائیاں کوں موثر تے مستعد انداز اچ جاری رکھݨ تے تمام زخمیاں دے بروقت ریسکیو تے علاج کیتے خصوصی انتظامات یقینی بݨاوݨ تے متاثرہ مزدوراں دے ریسکیو تے ریلیف تئیں ریسکیو آپریشن جاری رکھݨ دی ہدایت کیتی۔ انھاں جاں بحق افراد دے لواحقین نال دلی تعزیت تے مرحومین دے درجات دی بلندی کیتے خصوصی دعا وی کیتی۔ وزیراعظم کوئلے دیاں کاناں اچ کم کرݨ آلے مزدوراں دی جاناں کوں محفوظ بݨاوݨ کیتے مستقل حفاظتی اقدامات چاوݨ دا وی حکم ݙتا۔ انھاں آکھیا جو محنت کش اساݙے ملک دا قیمتی اثاثہ ہن۔