اسلام آباد۔22اگست (اے پی پی) وفاقی وزیرِ ریلوے محمد حنیف عباسی جھنگ صدر ریلوے اسٹیشن اتے ساندل ایکسپریس دی باقاعدہ بحالی دا افتتاح کر ݙتے۔ ملتان، جھنگ، سرگودھا روٹ تے ٹرین سروس دی بحالی وزیراعظم محمد شہباز شریف دی منظوری دے بعد عمل اچ آئی، ایں طرحاں جھنگ دی عوام دا دیرینہ مطالبہ پورا تھی ڳیا۔ اتھاں جاری پریس ریلیز دے مطابق ایں موقعے تے وفاقی وزیر پنجاب دی عوام …
وفاقی وزیرِ ریلوے جھنگ صدر ریلوے اسٹیشن تے ساندل ایکسپریس دی باقاعدہ بحالی دا افتتاح کر ݙتے
مزید خبراں
اسلام آباد۔22اگست (اے پی پی) وفاقی وزیرِ ریلوے محمد حنیف عباسی جھنگ صدر ریلوے اسٹیشن اتے ساندل ایکسپریس دی باقاعدہ بحالی دا افتتاح کر ݙتے۔ ملتان، جھنگ، سرگودھا روٹ تے ٹرین سروس دی بحالی وزیراعظم محمد شہباز شریف دی منظوری دے بعد عمل اچ آئی، ایں طرحاں جھنگ دی عوام دا دیرینہ مطالبہ پورا تھی ڳیا۔ اتھاں جاری پریس ریلیز دے مطابق ایں موقعے تے وفاقی وزیر پنجاب دی عوام کیتے ٻئی 8 اہم ریلوے روٹس دی اپ گریڈیشن دا اعلان کریندیں ہوئیں اکھیا جو پاکستان ریلوے راولپنڈی، لاہور روٹ دے علاوہ انہاں روٹس کوں وی اپ گریڈ کریسی تانجو مسافراں کوں بہتر، محفوظ تے جدید سفری سہولیات فراہم کیتی ونڄ سڳن۔ اے روٹس وزیراعلیٰ پنجاب مریم نواز دی خصوصی توجہ دا مرکز ہن۔ محمد حنیف عباسی ݙسیا جو پاکستان ریلوے چین توں جدید ٹریناں حاصل کرݨ دے منصوبے تے وی کم کریندا پئے، جنہاں اچ تقریباً ہک ہزار مسافراں دی گنجائش ہوسی۔ جھنگ کیتے ٻئے اہم اعلانات اچ ڈرائی پورٹ دے قیام کیتے عملی اقدامات، کارگو ٹرین دی سہولت تے ایئر کنڈیشنڈ بوگی دی فراہمی شامل اے، جئیں توں سفری سہولت دے نال تجارت، روزگار تے معاشی سرگرمیاں کوں فروغ ملسی۔ وفاقی وزیر جھنگ دی عوام دے والہانہ استقبال تے بے مثال محبت تے شکریہ ادا کریندیں ہوئیں آکھیا جو عوامی خدمت صرف اعلانات نئی بلکہ مسائل دا عملی حل تے بہتر سہولیات دی فراہمی دا ناں اے۔
