وفاقی وزیرِ صحت مصطفیٰ کمال دی صدارت اچ اعلیٰ سطحی اجلاس، اسلام آباد ہیلتھ ریگولیٹری اتھارٹی دے ماہرین دی پمز ہسپتال دے حوالے نال بریفنگ

اسلام آباد۔ 07 ستمبر (اے پی پی) وفاقی وزیرِ صحت مصطفیٰ کمال دی صدارت اچ اعلیٰ سطحی اجلاس منعقد تھیا جیندے اچ ایڈیشنل سیکرٹری ہیلتھ، ڈائریکٹر جنرل ہیلتھ تے ٻئے متعلقہ افسراں شرکت کیتی۔ اجلاس اچ ڈائریکٹر جنرل ہیلتھ وفاقی وزیرِ صحت کوں اسلام آباد ہیلتھ ریگولیٹری اتھارٹی دے ٹیکنیکل ماہرین دے پمز ہسپتال دے دورے تے جائزے دے حوالے نال بریفنگ ݙتی۔ وزارتِ صحت موجب اسلام آباد ہیلتھ ریگولیٹری اتھارٹی دے ٹیکنیکل ماہرین پمز ہسپتال دا دورہ کیتا تے ہسپتال اچ ݙتیاں ونڄݨ آلیاں سہولتاں، خذمتاں تے مجموعی کارکردگی دا مقررہ معیار موجب جائزہ ڳھدا۔ ٹیکنیکل ماہرین پمز ہسپتال دے کلینیکل، سرجیکل، میڈیکل، ریڈیولوجی تے انتظامی شعبیں دا تفصیلی جائزہ گھنسن۔ وزارتِ صحت موجب مختلف مقررہ انڈیکیٹرز دی بنیاد تے پمز ہسپتال دے معیار، خذمتاں تے مریضاں کوں ݙتیاں ونڄݨ آلیاں سہولتاں دا جائزہ ڳھدا ویسی۔ ٹیکنیکل ماہرین جائزے دے بعد پمز ہسپتال اچ بہتری گھن آوݨ، خذمتاں دے معیار کوں ٻیا موثر بݨاوݨ تے ہسپتال کوں جدید خطوط تے استوار کرݨ کیتے جامع سفارشات مرتب کریسن۔ وفاقی وزیرِ صحت مصطفیٰ کمال ہدایت کیتی جو پمز ہسپتال اچ مریضاں کوں معیاری طبی سہولتاں ݙیوݨ تے ہسپتال دے انتظامی و طبی نظام اچ بہتری کوں یقینی بݨایا ونڄے