وزیرِاعظم نال گیٹس فاؤنڈیشن دے وفد دی ملاقات، گیٹس فاؤنڈیشن پولیو مکاوݨ، صحت، غذائیت، مالیاتی شمولیت تے معاشرے دے کمزور طبقیں دی فلاح و بہبود کیتے قابلِ قدر کردار ادا کیتے، شہباز شریف

اسلام آباد۔ 10 ستمبر (اے پی پی) وزیرِاعظم محمد شہباز شریف آکھیے جو گیٹس فاؤنڈیشن پولیو مکاوݨ، صحت، غذائیت، مالیاتی شمولیت تے معاشرے دے کمزور طبقیں دی فلاح و بہبود کیتے قابلِ قدر کردار ادا کیتے، حکومت تے گیٹس فاؤنڈیشن دی مشترکہ کوششاں دے نتیجے اچ ڈیجیٹل ادائیگیاں اچ ودھارا تھیندا پئے۔ وزیرِاعظم دفتر دے میڈیا ونگ توں جاری بیان موجب وزیرِاعظم محمد شہباز شریف نال گیٹس فاؤنڈیشن دے وفد اسلام آباد اچ ملاقات کیتی۔ وفد اچ گیٹس فاؤنڈیشن دیاں نمائندیں کلپنا کوچر تے انیتا زیدی شامل ہئن۔ وزیرِاعظم شہباز شریف پاکستان دے ترقیاتی چیلنجز دے دوران گیٹس فاؤنڈیشن دی مسلسل معاونت تے شراکت داری دی تعریف کیتی ۔وزیرِ اعظم آکھیا جو پاکستان پولیو مکاوݨ دے مشترکہ ہدف دے حصول کیتے پرعزم اے، پولیو مکاوݨ دے قومی پروگرام کوں اعلیٰ ترین سطح تے سرپرستی حاصل اے، گیٹس فاؤنڈیشن پولیو مکاوݨ، صحت، غذائیت، مالیاتی شمولیت تے معاشرے دے کمزور طبقیں دی فلاح و بہبود کیتے قابلِ قدر کردار ادا کیتے۔ وزیرِاعظم آکھیا جو ڈیجیٹل ادائیگیاں، غذائی تحفظ، زچہ و نوزائیدہ صحت، غربت دا خاتمہ تے موسمیاتی تبدیلی سودھے اہم اصلاحاتی ترجیحات، گورننس ریفارمز ایجنڈے دا حصہ ہن۔کیش لیس اکانومی پاکستان حکومت دے تبدیلی دے ایجنڈے دا بنیادی حصہ اے، کیش لیس پاکستان دا مقصد عام شہریاں دی زندگی سوکھی بݨاوݨا، حکومتی نظام اچ شفافیت ودھاوݨا تے سرکاری رقم کوں بغیر کہیں تاخیر یا ضیاع دے مستحقین تئیں پڄاوݨا اے۔ انہاں آکھیا جو حکومت تے گیٹس فاؤنڈیشن دی مشترکہ کوششاں دے نتیجے اچ ڈیجیٹل ادائیگیاں اچ ودھارا تھیندا پئے، مستحق تریمتاں کوں اپݨی مالی معاونت براہِ راست، محفوظ تے باوقار انداز اچ ملݨی چاہیدی اے۔ وزیرِاعظم گیٹس فاؤنڈیشن دے نال رل تے تریمتاں دی مالیاتی شمولیت تے معاشی خودمختاری کیتے مرکوز اقدامات تے کم کرݨ دی خواہش دا اظہار کیتا۔ ملاقات اچ پاکستان تے گیٹس فاؤنڈیشن وچال تعاون تے شراکت داری کوں ٻیا موثر بݨاوݨ دے امور تے ڳالھ مہاڑ کیتی۔