پاک بحریہ تے کوسٹ گارڈز دا مشترکہ آپریشن، منشیات تے غیر قانونی دوائیں برآمد

راولپنڈی۔23 ستمبر (اے پی پی) پاک بحریہ تے پاکستان کوسٹ گارڈز جوائنٹ میری ٹائم انفارمیشن کوآرڈینیشن سینٹر دے تعاون نال بلوچستان دے علاقے پیشوکان اچ انٹیلی جنس بیسڈ مشترکہ انسدادِ اسمگلنگ آپریشن کریندے ممنوعہ چیزاں سمگل کرݨ دی وݙی کوشش ناکام بݨا ݙتی۔ آئی ایس پی آرموجب مصدقہ معلومات تے کیتی ڳئی ایں مشترکہ کارروائی دے دوران بھاری مقدار اچ غیر ملکی شراب تے غیر قانونی دوائیں ضبط کرڳھدیاں ڳئیاں۔ برآمد شدہ سامان مزید قانونی کارروائی کیتے پاکستان کوسٹ گارڈز دے حوالے کر ݙتا ڳئے۔ آئی ایس پی آر دا آکھݨ اے جو اے کامیاب کارروائی بین الادارہ جاتی رابطیں دے مؤثر ہووݨ دا منہ ٻولیندا ثبوت اے تے پاک بحریہ تے کوسٹ گارڈز پاکستان دے سمندری تے زمینی رستیں کوں غیر قانونی سرگرمیاں توں محفوظ رکھݨ کیتے مکمل پرعزم ہن