سعودی عرب دے قومی ݙینھ تے آئی ایس پی آر دا خصوصی نغمہ ’’ھک ݙوجھے دے دل و جان‘‘ جاری

راولپنڈی۔23 ستمبر (اے پی پی) پاک فوج دے شعبہ تعلقات عامہ (آئی ایس پی آر) بھرا اسلامی ملک سعودی عرب دے قومی ݙینھ دے پرمسرت موقع تے ݙوہیں ملکاں وچال لازوال رشتے تے تاریخی اخوت کوں خراجِ تحسین پیش کرݨ کیتے خصوصی نغمہ ’’ھک ݙوجھے دے دل و جان‘‘ جاری کرݙتے۔ اردو تے عربی زباناں دے دلکش امتزاج تے مبنی اے نغمہ پاک سرزمین توں ارضِ حرم تئیں ڄڑئے مضبوط بھرپی دے تعلقات تے مشترکہ اقدار دی عکاسی کریندے۔ نغمے دے ٻول تے دھن اچ پاکستان تے سعودی عرب دی پراݨی دوستی، سانجھی دفاعی شراکت داری تے خطے اچ امن دے مشترکہ عزم کوں شاندار انداز اچ اجاگر کیتا ڳئے۔