وفاقی وزیر داخلہ دا مستونگ اچ 9 دہشت گرداں دی ہلاکت تے سکیورٹی فورسز کوں خراجِ تحسین

اسلام آباد۔23 ستمبر (اے پی پی) وفاقی وزیر داخلہ محسن نقوی بلوچستان دے ضلع مستونگ اچ “آپریشن ردالفتنہ 3” دے تحت دہشت گرداں دے مذموم عزائم کوں مٹی اچ رلاوݨ تے 9 دہشت گرداں کوں جہنم رسید کرݨ تے سکیورٹی فورسز دی پیشہ ورانہ صلاحیتاں دی زبردست تعریف کیتی اے۔ وزارت داخلہ توں جاری بیان موجب محسن نقوی آکھیا جو سکیورٹی فورسز دے بہادر سپوت پوری قوم داماݨ ہن تے انہاں دی اے وقتی تے دلیرانہ کارروائی قومی سلامتی دے غیر متزلزل تحفظ دے عزم دی عکاس اے۔ محسن نقوی آپریشن اچ حصہ گھنݨ آلے سارے جواناں تے افسران کوں خراجِ تحسین پیش کریندے آکھیا جو پوری قوم دہشت گردی دے خلاف جنگ اچ سکیورٹی اداریں دے رلے کھڑی اے۔ انہاں واضح عزم دا اعادہ کیتا جو فتنہ الہندوستان تے فتنہ الخوارج دے خلاف آپریشنز پوری قوت، یکسوئی تے فیصلہ کن انداز اچ بلا تعطل جاری رہسن۔