وزیراعظم محمد شہباز شریف دا اسلام آباد اچ انٹرنیشنل اسلامک یونیورسٹی دی طالبہ لائبہ اعجاز دی خودکشی دا نوٹس، مرحومہ دے نال فراڈ کرݨ آلے ملزم کوں فوری طور تے حراست اچ گھن تے قانون دے مطابق قرار واقعی سزا ݙیوݨ دی ہدایت

اسلام آباد۔10 اکتوبر (اے پی پی) وزیراعظم محمد شہباز شریف اسلام آباد اچ انٹرنیشنل اسلامک یونیورسٹی دی طالبہ لائبہ اعجاز دی خودکشی دا نوٹس گھندیں ہوئیں آئی جی اسلام آباد تے چیف کمشنر کوں مرحومہ دے نال فراڈ کرݨ آلے ملزم کوں فوری طور تے حراست اچ گھنݨ دی ہدایت کیتی اے۔ وزیراعظم آفس دے میڈیا ونگ توں جاری بیان دے مطابق وزیراعظم آکھیا جو نوجوان طالبہ دی خودکشی انتہائی افسوس ناک واقعہ اے۔ وزیراعظم آئی جی اسلام آباد تے چیف کمشنر کوں مرحومہ دے نال فراڈ کرݨ آلے ملزم کوں فوری طور تے حراست اچ گھنݨ دی ہدایت کر ݙتی۔ وزیراعظم آکھیا جو ملزم کوں فوری طور تے گرفتار کر تے ایں کوں قانون دے مطابق قرار واقعی سزا ݙتی ون٘ڄے۔