اسلام آباد۔16 اکتوبر (اے پی پی) نائب وزیراعظم و وزیرِ خارجہ سینیٹر محمد اسحاق ڈار دی زیرِ صدارت شنگھائی تعاون تنظیم (ایس سی او) دے سربراہانِ مملکت دی کونسل دے سربراہ اجلاس دیاں تیاریاں دا جائزہ گھنݨ کیتے اجلاس تھیا۔ وزارتِ خارجہ توں جاری بیان موجب شنگھائی تعاون تنظیم (ایس سی او) دے سربراہانِ مملکت دی کونسل دا اجلاس 2027ء اچ اسلام آباد اچ پاکستان دی میزبانی اچ تھیسی۔ اجلاس …
نائب وزیراعظم دی صدارت اچ اجلاس، ایس سی او سربراہانِ مملکت دی کونسل دے سربراہ اجلاس دیاں تیاریاں دا جائزہ
اسلام آباد۔16 اکتوبر (اے پی پی) نائب وزیراعظم و وزیرِ خارجہ سینیٹر محمد اسحاق ڈار دی زیرِ صدارت شنگھائی تعاون تنظیم (ایس سی او) دے سربراہانِ مملکت دی کونسل دے سربراہ اجلاس دیاں تیاریاں دا جائزہ گھنݨ کیتے اجلاس تھیا۔ وزارتِ خارجہ توں جاری بیان موجب شنگھائی تعاون تنظیم (ایس سی او) دے سربراہانِ مملکت دی کونسل دا اجلاس 2027ء اچ اسلام آباد اچ پاکستان دی میزبانی اچ تھیسی۔ اجلاس اچ وزیراعظم دے معاونِ خصوصی طارق باجوہ، سیکرٹری دفاع، چیئرمین سی ڈی اے تے متعلقہ وزارتاں دے سینئر حکام شرکت کیتی۔اجلاس اچ سربراہ اجلاس دے انتظامات تے پیشرفت تے گزریل اجلاس اچ کیتے ڳئے فیصلیں تے عملدرآمد دا جائزہ ڳھدا ڳیا۔ نائب وزیراعظم و وزیرِ خارجہ سربراہ اجلاس کوں رکن ملکاں دے نال رابطے مزید تکڑے بݨاوݨ تے علاقائی ترجیحات کوں اڳوں ودھاوݨ دا ہک اہم موقع قرار ݙتا۔ انہاں ہدایت کیتی جو اجلاس دے کامیاب تے خوش اسلوبی نال انعقاد کوں یقینی بݨاوݨ کیتے ساریاں تیاریاں سانجھے رابطے وقتی انداز اچ مکمل کیتے ونڄن۔
