اسلام آباد ۔ 6 مئی (اے پی پی) وزیراعظم محمد نواز شریف سول ایوی ایشن اتھارٹی کوں ہدایت کیتی ہے جو نویں اسلام آباد ہوائی اڈے دی تعمیر دے کم دے میعار اُتے سمجھوتہ کیتے بغیر تکھے تکمیل کوں یقینی بنڑایا ونجے ۔ وزیراعظم چھنڑ چھنڑ کوں زیر تعمیر جدید ایئر پورٹ دا دورہ کیتا جتھاں انہاں کوں منصوبے دے جاری کم اچ اگوہیں بارے بریفنگ ڈتی گئی ۔ ڈائریکٹر …
وزیراعظم محمد نواز شریف زیر تعمیر جدید اسلام آباد انٹر نیشنل ایئر پورٹ دا دورہ کیتا
اسلام آباد ۔ 6 مئی (اے پی پی) وزیراعظم محمد نواز شریف سول ایوی ایشن اتھارٹی کوں ہدایت کیتی ہے جو نویں اسلام آباد ہوائی اڈے دی تعمیر دے کم دے میعار اُتے سمجھوتہ کیتے بغیر تکھے تکمیل کوں یقینی بنڑایا ونجے ۔ وزیراعظم چھنڑ چھنڑ کوں زیر تعمیر جدید ایئر پورٹ دا دورہ کیتا جتھاں انہاں کوں منصوبے دے جاری کم اچ اگوہیں بارے بریفنگ ڈتی گئی ۔ ڈائریکٹر جنرل سول ایوی ایشن اتھارٹی ایئر مارشل (ر) عاصم سلیمان اتھارٹی دے بئے اعلیٰ افسراں دے نال وزیراعظم دا نیو اسلام آباد ایئر پورٹ پجنڑ تے استقبال کیتا۔ وزیراعظم دے مشیر برائے ہوا بازی سردار مہتاب احمد خان اتے نیشنل ہائی وے اتھارٹی دے چیئرمین شاہد اشرف تارڑ وی وزیراعظم دے نال ہن ۔ وزیراعظم ہوائی اڈے دی عمارت دے مختلف حصیاں بشمول مسافراں دے ٹرمینل، مختلف کاﺅنٹرز اتے بئے حصیاں دا معائنہ کیتا۔ وزیراعظم کوں ڈسایا گیا جو منصوبے اُتے 95 فیصد کم پورا تھی گئے اتے امید ہے جو ایں سال جولائی تئیں ایں کوں چالو کرڈ تا ویسی ۔ وزیراعظم ایں توں پہلے پشاور موٹروے توں نویں اسلام آباد ایئر پورٹ تئیں میٹرو بس منصوبے دا افتتاح کیتا تانجو مسافراں اتے نیڑے دیاں آبادیاں کوں جدید اتے آرام دہ سفری سہولت مل سگے ۔ نیو اسلام آباد ایئر پورٹ کوں ایم ون تے ایم ٹو موٹرویز دے نال نال جی ٹی روڈ نال وی جوڑیا ویسی ۔ ہوائی اڈے اُتے ہوائی جہازاں کیتے 15 جدید ڈاکنگ سٹیشنز اتے مسافراں کیتے جدید اتے وسیع پارکنگ دا نظام قائم کیتے گئے ہن ۔
