وزیر مملکت مریم اورنگزیب دی مستونگ اچ ڈپٹی چیئرمین سینیٹ مولانا عبدالغفور حیدر ی دے قافلے اُتے حملے دی مذمت

اسلام آباد ۔ 12 مئی (اے پی پی) وزیر مملکت اطلاعات’نشریات تے قومی ورثہ مریم اورنگزیب مستونگ اچ ڈپٹی چیئرمین سینیٹ مولانا عبدالغفور حیدر ی دے قافلے اُتے حملے دی مذمت کریندے ہوئیں آکھے جو دہشتگرداں دا نہ کئی دین اتے نہ ہی کئی مذہب ہے۔جمعے کوں اتھاں جاری آپنڑیں ہک تعزیتی پیغام اچ وزیر مملکت آکھیا جو دہشتگردی کوں مکاونڑ تئیں بہادر مسلح افواج اتے قنون نافذ کرنڑآلے ادارے سُکھ نال کائناں باہسن ۔ انہاں آکھیا جو دہشت گردی دے گھناؤنے واقعات پاکستانی قو م دے حوصلیاں کوں گھٹ نہیں کر سگدے ۔وزیر مملکت شہیداں دے درجات دی بلندی اتے زخمیاں دی تکھے صحتیابی کیتے دعا وی منگی ۔