کورونا دی صورتحال پاکستان کیتے ہک وڈا چیلنج اے،ریلیف فنڈ دی رقم معاشرہ دے غریب اتے کمزور طبقات تے خرچ کیتی ویسی،یقین اے جو پاکستان تیکھے ہک مضبوط ملک دے طورتے ابھرسی،وزیراعظم عمران خان دا کورونا ریلیف فنڈکیتے ملکی تاریخ دی سب توں وڈی احساس ٹیلی تھون اچ اظہار خیال

اسلام آباد ۔ 23 اپریل (اے پی پی) وزیراعظم عمران خان آکھیے جو کورونا دی صورتحال پاکستان کیتے ہک وڈا چیلنج اے،پوری قوم ہک مٹھ تھی تے ایندے خلاف جنگ جیتسی،ریلیف فنڈ دی رقم معاشرہ دے غریب اتے کمزور طبقات تے خرچ کیتی ویسی،امیر اتے صاحب استطاعت طبقہ ایںا وکھے ویلھے اگو تے آوے،ساکوں ہنڑ سمارٹ لاک ڈاﺅن کرنڑا پوسی،یقین اے جو پاکستان تیکھے ہک مضبوط ملک دے طورتے ابھرسی۔اے گالھ وزیراعظم عمران خان کورونا ریلیف فنڈکیتے ملکی تاریخ دی سب توں وڈی احساس ٹیلی تھون اچ الویندے ا ٓکھی۔ انہاں آکھیا جو کرونانال نبڑن کیتے ہر کہیں کوں اپنڑا کردارادا کرنڑا ہوسی،جتنی ودھ احتیاط کیتی ویسی نقصان اتنا ہی گھٹ تھیسی،کرونا اتے لاک ڈاﺅن نال سب توں ودھ معاشرہ دے غریب اتے کمزور طبقات متاثرتھین، کروناریلیف فنڈ توں ملنڑ آلا پیسہ انہاں دی امداد تے لایا ویسی،احساس پروگرام ملکی تاریخ دا سب توں وڈا اتے شفاف پرگرام اے،جیندے فنڈزدا مکمل ریکارڈ موجود اے،جیکر اساں بے احتیاطی کیتی تاں اگو تے نہ ودھ سگسوں، ہنڑ ساکوں سمارٹ لاک ڈاﺅن کرنڑا پوسی،جیکر ایں چیلنج توں کامیاب تھیءتے نکل گئے تاں یقین اے جو ایندے بعد پاکستان مزید مضبوط ملک بنڑ تے ابھرسی،کڈاھیں وی اینجھی صورتحال پاکستان اچ تھئی اے اتے نہ ہی جگ اچ جیڑھی اج اے،ساڈے ملک دا رد عمل وی اینجھا ہوونڑاں چاہیدے جیڑھا پہلے کڈاھیں سامنڑے نئیںا ٓیا،حکومت مستحقین دی مدد کیتے ودھ تے کوشش کریندی پئی اے بھل آونڑ آلے ویلھے کیتے تیار راہنڑاں پوسی،حکومت دے نال نال مخری حضرات اتے اداریاں کوں وی اگو تے آونڑاں پوسی،اساں اوں ویلھے تئیں نئیں کیتا جے تئیں مالیاتی کنٹرول دا بندوبست نئیں کر گھدا،پیسے کٹھے کرنڑ دا اصول اے ہے جو او حقدار تئیں پجن،اساں ڈسا سگدے ہیں جو کیہڑی تححصیل اتے یونین کونسل اچ کیکوں کیکوں امداد ملی اے،کیوں جو سارا نظام کمپیوٹرائزڈاہے،ایندے اچ سیاست داکوئی عمل دخل کائنی،اے امداد نادرا ریکارڈ دے مطابق ڈتی ویندی پئی اے،جے تئیں وی کرونا دی صورتحال راہسی مستحقین دی مدد جاری رکھیسوں۔وزیراعظم آکھیے جو چھوٹے اتے درمیانے درجے دا کاروبار بچاونڑ کیتے بلاسود قرض داہک مکمل پروگرام آندا پئے،اساں لاک ڈاون اچ وی توازن رکھنڑے، صوبے اپنڑے فیصلے اچ خود مختار ہین بھل ساڈے حالات بنھاں توں مختلف ہین،غریباں دی بحالی ہک وڈا چیلنج اے،ساڈے فیصلے سارے پاکستانیاں کیتے ہکو جھیں ہوونڑے چاہیدن،حالات دے مطابق چلنڑا ہوسی،رمضان اچ وی احتیاط نال کم گھدا ونجے، عبادات،نماز روزہ، تراویح گھر اچ ہی کیتی ونجے،ایں سانگے مجوزہ ویھ نکات تے عمل کیتا ونجے،علما وی عملدرآمد دی ضمانت ڈتی اے۔انہاںا ٓکھیے جو کوشش اے جو شرح سود بیا تلے آونجے،اساں ٹریک اتے ٹریس سسٹم لاگو کیتے جیڑھا پہلے آئی ایس آئی انداد دہشتگردی کیتے استعمال کریندی ہئی ہنڑ کورونا وائرس روکنڑ کیتے استعمال تھیسی، نیشنل کمانڈ اینڈ کنٹرول سینٹر وی چنگا کم کریندا پئے،جیکر مئی دے چھیکر تئیں ایوین کرونا کیسز ودھدے رہے تاں اساں ایں صورتحال دا مقابلہ کرسگدے ہیں،صدر ٹرمپ وی ساکوں وینٹی لیٹرزڈیونڑ دی پیشکش کیتی اے۔انہاںا ٓکھیے جو بیرون ملک پھتے پاکستانیاں کوں گھنا ٓونڑ کتیے اقدامات کیتے ویندے پین، انہاں کوں کلہا نسے ست سگدے،بحران تون موقع وی نکلدن،بجلی دے پچھلے معاہدیاں تے نظر ثانی کیتی ویسی۔وزیراعظم عمران خان آکھیے جو میکوں30 سال توں رائج نظام بدلنڑ کیتے نویں ٹیم دے نال کئی مسلے درپیش ہین،جتھاں وی تبدیلی شروع کرو سٹیٹس کو رکاونٹ بنڑ ویندے،پتا نئیں اے وبا کے تئیں راہوے بھل ساکوں ایندے کیتے کمزور طبقات دی امدادکیتے فنڈزکٹھے کرنڑ دی مسلسل ضرورت رہسی ،ملکی معیشت چلاونڑ دی پوری کوشش اے،ساڈی کوشش نال جگ دیاں معیشتاں کوں ٹیک ڈیونڑ کیتے آئی ایم ایف 50دی بجائے ہنڑ 70 ممالک کوں ریلیف ڈیونڑ دا فیصلہ کیتے جیندے اچ پاکستان وی شامل اے۔ ٹیلی تھون دے چھیکڑ تے معروف مبلغ اتے عالم دین مولانا طارق جمیل خصوصی دعا کرائی۔