مسلم لیگ (ن) 2013ءاچ اقتدار اچ امدیں ای پاکستان سٹیل ملز‘ پی آئی اے‘ او جی ڈی سی ایل‘ بجلی دی تقسیم کار کمپنیاں سودھا بئیے 41اداریاں کوں نجکاری دی فہرست اچ پاتا،پی آئی اے دا خسارہ 500ارب روپے تئیں پج گئے ،اساں قومی اداریاں اچ اصلاحات نال خسارے کوں گھٹ کر تے عوام کوں ریلیف ڈیونڑ چاہندوں،مراد سعید

اسلام آباد ۔ 10 جون (اے پی پی) وفاقی وزیر مواصلات مراد سعید آکھیا جو مسلم لیگ (ن) 2013ءاچ اقتدار اچ امدیں ای پاکستان سٹیل ملز‘ پی آئی اے‘ او جی ڈی سی ایل‘ بجلی دی تقسیم کار کمپنیاں سودھا بئیے 41اداریاں کوں نجکاری دی فہرست اچ پاتا،پی آئی اے دا خسارہ 500ارب روپے تئیں پج گئے ،اساں قومی اداریاں اچ اصلاحات نال خسارے کوں گھٹ کر تے عوام کوں ریلیف ڈیونڑ چاہندوں،سمندر پارپاکستانی اساڈا اثاثہ ہن،اپوزیشن اگر انہاں کوں کورونا نال رلایا تاں اساں سخت احتجا ج کریسوں، تحریک انصاف دی حکومت کو ںتباہ حال معیشت ورثے اچ ملی اے۔بدھ کوں قومی اسمبلی اچ اپوزیشن ولوں چاتے گئے نکات تے گالھ کریندیں ہوئیں وفاقی وزیر مواصلات مراد سعید آکھیا جو نجکاری اتے اداریاں دے خسارے تے اعدادوشمار موجود ہن ۔2013ءاچ مسلم لیگ ن دی حکومت بنڑی انہاں ساریاں توں پہلے 41ادارے نجکاری دی فہرست اچ پاتے۔انہاں اچ پی آئی اے دے نیو یارک اتے پیرس اچ ہوٹل‘ پی ایم ڈی سی‘ او جی ڈی سی ایل‘ پاکستان سٹیل ملز‘ پی آئی اے اتے بجلی دی تقسیم کار کمپنیاں شامل ہن۔ مسلم لیگ (ن) دی حکومت دے چھیکڑی مہینے اچ کمیٹی دے اجلاس اچ پی آئی اے دے 500ارب روپے دے خسارے تے گالھ تھئی ۔انہاں پی آئی اے کوں ٹھیک کرنڑ سانگے 50لکھ مہینے تے تنخواہ تے 12بندے لاتے ۔اوندی سربراہی اچ پی آئی اے دا جہاز چوری تھی گئیا۔پی آئی اے انہاں دے دور اچ 500ارب خسارے کوں پجی۔ پاکستان پوسٹ‘ پاکستان ریلوے‘ پی آئی اے سمیت سارے قومی ادارے خسارے اچ ہن ۔انہاں آکھیا جو مسلم لیگ (ن) 2013ءاچ اقتدار اچ امدیں ای پاکستان سٹیل ملز‘ پی آئی اے‘ او جی ڈی سی ایل‘ بجلی دی تقسیم کار کمپنیاں سودھا بئیے 41اداریاں کوں نجکاری دی فہرست اچ پاتا،پی آئی اے دا خسارہ 500ارب روپے تئیں پج گئے ،اساں قومی اداریاں اچ اصلاحات نال خسارے کوں گھٹ کر تے عوام کوں ریلیف ڈیونڑ چاہندوں۔