پاکستان دا لائن آف کنٹرول دے جندروٹ سیکٹر اچ جنگ بندی دی بلااشتعال خلاف ورزیاں تے بھارت توں شدید احتجاج، بھارتی اعلی سفارتکار دفتر خارجہ سڈ گیا، احتجاجی مراسلہ حوالے کیتا بھارت ولوں جنگ بندی دیاں خلاف توں علاقائی امن و سلامتی کوں سنگین خطرہ لاحق اے ،دفتر خارجہ

اسلام آباد ۔ 10 جون (اے پی پی) بھارتی سینئر سفارتکار کوں دفتر خارجہ سڈ تے 9 جون کوں قابض بھارتی فوج ولوں لائن آف کنٹرول (ایل او سی) دے جندروٹ سیکٹر اچ جنگ بندی دی بلااشتعال خلاف ورزیاں تے احتجاج ریکارڈ کیتا گئے ۔ بھارتی فوج دی بلااشتعال فائرنگ دے نتیجہ اچ ڈو تریمتاں سمیت چار بیگناہ شہری ودھ سارے زخمی تھی گئن ۔ بدھ کوں ترجمان دفتر خارجہ موجب سینئر بھارتی سفارتکار کوں سڈ تے احتجاجی مراسلہ انہاں دے حوالے کیتے تے آکھیے جو قابض بھارتی افواج ایل او سی اتے ورکنگ باﺅنڈری دی مسلسل خلاف ورزیاں کریندے ہوئیں آرٹلری، بھاری اتے خودکار ہتھیاراں دے ذریعے عام شہری آبادیاں کوں نشانہ بنڑیندی پئی اے ۔ بھارتی سفارتکار کوں ڈسایا گئے جو شہری آبادیاں کوں دانستہ نشانہ بنڑاونڑ انتہائی قابل افسوس، انسانی عظمت و وقار، عالمی انسانی حقوق اتے بین الاقوامی انسانی قوانین دے صریحاً منافی اے۔ بھارت ولوں جنگ بندی دیاں انہاں خلاف ورزیاں توں علاقائی امن تے سلامتی کوں ودھ سارا خطرہ اے جیں دا نتیجہ سٹرٹیجک غلطی دی صورت نکل سگدے ۔ بھارت اجوکے سال 1296 واریہ بلااشتعال جنگ بندی دی خلاف ورزی کیتی جیں اچ 7 بیگناہ شہر ی شہید اتے 98 زخمی تھئن۔