سی پیک منصوبے نال معاشی ترقی دا نواں دور شروع تھیسی،فیز ٹو اچ ریلوے دے بنیادی ڈھانچے کوں ترقی ڈتی ویسی،چین دی چھی کمپنیاں نال پاکستان دے بئے معاہدے تھی گئن،ایچ ایم سی اچ نویں سرمایہ کاری کیتی ویندی پئی اے، وزیراعظم دے معاون خصوصی برائے اطلاعات تے چیئرمین سی پیک اتھارٹی عاصم سلیم باجوہ دا ہیوی میکنیکل کمپلیکس ٹیکسلا اچ تقریب نال خطاب

اسلام آباد ۔ 18 جون (اے پی پی) وزیراعظم دے معاون خصوصی برائے اطلاعات تے چیئرمین سی پیک اتھارٹی عاصم سلیم باجوہ آکھیا جو سی پیک منصوبے نال معاشی ترقی دا نواں دور شروع تھیسی،فیز ٹو اچ ریلوے دے بنیادی ڈھانچے کوں ترقی ڈتی ویسی،چین دی چھی کمپنیاں نال پاکستان دے بئے معاہدے تھی گئن،ایچ ایم سی اچ نویں سرمایہ کاری کیتی ویندی پئی اے۔اے گالھیں انہاں ہیوی میکنیکل کمپلیکس ٹیکسلا اچ تقریب نال خطاب کریندیں ہوئیں آکھی۔چیئرمین سی پیک اتھارٹی عاصم سلیم باجوہ آکھیا جو معاہدے نال صنعتاں کوں فروغ ملسی،پاکستان دی عوام کوں ترقی دے موقع ملسن۔انہاں آکھیا جو سی پیک ڈوجھے مرحلے دے تحت نویں ریلوے ٹریک بنڑائے ویسن،، حویلیاں اچ ڈرائی پورٹ بنڑایا ویسی،سارے ریلوے ٹریکس کوں بدلیا ویسی۔انہاں آکھیا جو چین پاکستان اچ سرمایہ کاری اچ دلچسپی گھندا پئے ۔پاکستان اچ سرمایہ کاری نال ڈوہیں ملکاں کوں فائدہ تھیسی۔