حسن ابدال۔ 21دسمبر (اے پی پی ) صدر مملکت ممنون حسین آکھے جو قوم دا ستقبل محفوظ ہتھاں اچ ہے ، نینگرا آونڑآلے دور کیتے آپ کوں تیار کرن تانجو مستقبل اچ پیش آونڑآلے چیلنجاں دا مقابلہ کر سگن۔ تعلیم اتے تربیت تے دفاع پاکستان کیتے سرفروش اتے پرعزم نینگراں دی تربیت اچ کیڈٹ کالج حسن ابدال اہم کردار ادا کریندا ریہے ۔ اے گالھ انہاں کیڈٹ کالج حسن ابدال دے سالانہ یوم والدین دے موقعے تے خطاب کریندے ہوئیں آکھی۔ تقریب اچ چیئرمین ایگزیکٹو کمیٹی پورڈ آف دی گورنر ز ، کیڈٹ کالج حسن ابدال اتے پرنسپل کیڈٹ کالج حسن ابدال میجر جنرل نجیب طارق دے علاوہ طالب علماں دے والدین اتے بئے مہماناں دی وڈی تعداد شرکت کیتی۔
