اسلام آباد ۔ 24 دسمبر (اے پی پی) وزیر اعظم شاہد خاقان عباسی نیول بیس دیاں آپریشنل تیاریاں تے اطمینان دا اظہار کریندے ہوئیں آکھیے جو پاک بحریہ دے افسراں اتے جواناں دا اوکھے علاقیاں اچ اپنڑے خاندان توں پریں رہ تے ملکی دفاع کرنڑ قابل تعریف اے۔ترجمان پاک بحریہ دے مطابق وزیر اعظم شاہد خاقان عباسی جناح نیول بیس توں پاکستان نیوی دی سب میرین سعد تے بورڈنگ اتے سیلنگ کیتی۔ شاہد خاقان عباسی پاک بحریہ دی آبدوزتے کھلے سمندر اچ ونجنڑ آلے دنیا دی تاریخ دے پہلے وزیراعظم ہن۔چیف آف دی نیول اسٹاف ایڈمرل ظفر محمود عباسی وی وزیراعظم دے نال ہن۔وزیر اعظم کوں سب میرین فورس دی تاریخ اتے کامیابیاں بارے ڈسایا گیا۔ وزیر اعظم سب میرین ڈائیونگ اتے پروسیجرزوی کیتے جیندے تے انہاں کوں روایتی ’ڈالفن نشان ‘ پیش کیتا گئے۔پاک بحریہ ولوں ڈالفن نشان گھنڑ آلے او پہلے وزیراعظم ہن۔ وزیر اعظم جناح نیول بیس اورماڑہ دا وی دورہ کتیے جتھاں انہاں دفاعی تنصیبات دا جائزہ گھدے۔وزیراعظم نیول بیس دیاں آپریشنل تیاریاں تے اطمینان دا اظہار کریندے ہوئیں آکھیے جو پاک بحریہ دے افسراتے جواناں دا جذبہ حب الوطنی تعریف دے لائق اے،بلوچ عوام دی سماجی فلاح وبہبو د کیتے پاک بحریہ دیاں کوششاں قابل تعریف ہن۔
