اسلام آباد ۔ 12 جولائی (اے پی پی) وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان آکھیا جو اج جج ارشد ملک محض بیان حلفی نی آل شریف دے خلاف او چارج شیٹ پیش کیتی جو ساکوں سسلین مافیا اتے گاڈ فادر دا اصل مطلب سمجھیندی اےاے بیان حلفی ثبوت اے جو اے تاں نہ معصوم ہن اتے نہ مظلوم ہن ،جسٹس قیوم دی ٹیپ ہووے یا جسٹس سجاد علی شاہ دی عدالت تے لیگی بلوائیاں دا حملہ،رفیق تارڑ دا بریف کیس ہووے یا دیواراں ٹپ کراہیں سپریم کورٹ تے حملہ،اے شرمناک کم ملک دی تریخ دا سیاہ باب ہن۔جمعے کوں اپنڑے ٹویٹ اچ انہاں آکھیا جو میاں شریف صاحب دی مالی حیثیت تے وی ٹبر اچ اتفاق کائنی،شہباز شریف دا ابا غریب اتے نواز دا با امیر،انہاں دی تریخ ،فراڈ،کرپشن، اتے بلیک میلنگ نال جڑی اے اتے جتھاں اے منفی ہتھکنڈے کامیاب ہوون تاں عابد باکسر اتے ناصر بٹ جیہے اجرتی قاتل استعمال کریندن۔
